كوروناۆيرۋس • 18 قاڭتار، 2022

ەلدە شەكتەۋ شارالارى كۇشەيتىلدى

1358 رەت كورسەتىلدى

قازاقستاندا ەپيدەميولوگيالىق جاعدايدىڭ كۇردەلىلىگى ەرەكشە نازارعا الىنىپ، بىرقاتار شەكتەۋ شارالارى كۇشەيتىلدى. بۇل تۋرالى قر دەنساۋلىق ساقتاۋ ءمينيسترى اجار عينيات ۇكىمەت وتىرىسىندا ايتتى،  دەپ حابارلايدى Egemen.kz.

«ەپيدەميولوگيالىق جاعدايدىڭ كۇردەلىلىگىن، «وميكرون» نۇسقاسىنىڭ اينالىمىن ەسكەرە وتىرىپ، شەكتەۋ شارالارى كۇشەيتىلدى»، دەدى اجار عينيات.

اتاپ ايتقاندا، ۆەدومستۆو باسشىسىنىڭ ايتۋىنشا، قازاقستاندا كەلەسى شەكتەۋلەر ەنگىزىلدى:

  • قر مەملەكەتتىك شەكاراسىن كەسىپ ءوتۋ پۋنكتتەرىندە ۆاكتسيناتسيا مارتەبەسىنە قاراماستان، شەتەلدەن كەلگەندەردىڭ بارلىعى ءۇشىن تەرىس پتر-تەستتىڭ بولۋى مىندەت;
  • Ashyq بويىنشا «جاسىل» مارتەبە بولعان كەزدە عانا قىزمەتىنە رۇقسات ەتىلگەن وبەكتىلەردىڭ تىزبەسى كەڭەيتىلدى;
  • وڭىرلەردەگى ەپيدەميولوگيالىق احۋالعا بايلانىستى وقۋشىلاردى، ستۋدەنتتەردى وقىتۋعا سارالانعان ءتاسىل قولدانىلادى.

«شەكتەۋ شارالارىن ەنگىزۋ ءاربىر ناقتى وڭىردەگى ەپيدەميولوگيالىق جاعدايعا بايلانىستى سارالانىپ جۇزەگە اسىرىلاتىنىن اتاپ وتكىم كەلەدى»، دەپ قوستى دەدى اجار عينيات.

سوڭعى جاڭالىقتار

ۇقساس جاڭالىقتار