«مينيسترلىك وقۋشىلار ءۇشىن ءۇشىنشى توقساندى 17 قاڭتاردان باستاۋ تۋرالى شەشىم قابىلدادى. ودان ءارى وقۋ پروتسەسى ەلدەگى جانە ءار وڭىردەگى ەپيدەميولوگيالىق جاعدايعا بايلانىستى بولادى. ۋاقىت كورسەتەدى. ازىرگە وقۋ جىلىنىڭ سوزىلۋىنا قاتىستى ناقتى جاۋاپ ايتۋعا ەرتە. ەگەر وقۋ كۇنتىزبەسىنە قاتىستى وزگەرىستەر بولسا نەمەسە قوسىمشا شەشىم قابىلدانسا, مىندەتتى تۇردە حابارلايتىن بولامىز», دەدى گۇلميرا كاريموۆا وكق-دە ونلاين وتكەن ءباسپاسوز ءماسليحاتىندا.
ونىڭ ايتۋىنشا, وقۋشىلاردىڭ كوروناۆيرۋس ىندەتىن جۇقتىرۋعا قاتىستى تالداۋ جۇمىسى كۇندەلىكتى ءجۇرىپ جاتىر.
ايتا كەتەيىك, ەلىمىزدىڭ 3 قالاسىندا وقۋشىلار ءۇشىنشى توقسان بويى ونلاين فورماتتا وقيدى.
سونداي-اق, ورتالىق كوممۋنيكاتسيالار قىزمەتىندە وتكەن بريفينگتە ەلدەگى جاپپاي ەرەۋىل كەزىندە قىزمەت بارىسىندا قازا تاپقانداردىڭ بالالارىنا مەملەكەتتىك گرانت بولىنەتىنى ايتىلدى.
