قازاقستان • 17 قاڭتار، 2022

پارلامەنت دەپۋتاتتارى ءبىر كۇندىك جالاقىسىن «قازاقستان حالقىنا» قورىنا اۋداردى

59 رەت كورسەتىلدى

سەنات پەن ءماجىلىس دەپۋتاتتارى ەل پرەزيدەنتى قاسىم-جومارت توقاەۆتىڭ «قازاقستان حالقىنا» قوعامدىق الەۋمەتتىك قورىن قۇرۋ تۋرالى باستاماسىن قولداي وتىرىپ، وزدەرىنىڭ ءبىر كۇندىك جالاقىسىن وسى قورعا اۋداردى، دەپ حابارلايدى Egemen.kz.

مەملەكەت باسشىسى قاسىم-جومارت توقاەۆ بيىلعى جىلدىڭ 11 قاڭتارىندا ءماجىلىس وتىرىسىندا سويلەگەن سوزىندە «قازاقستان حالقىنا» قوعامدىق الەۋمەتتىك قورىن قۇرۋدى تاپسىرعان بولاتىن.

قور دەنساۋلىق ساقتاۋ، ءبىلىم بەرۋ جانە الەۋمەتتىك قولداۋ سالاسىنداعى ناقتى پروبلەمالاردى شەشۋمەن اينالىساتىن بولادى.

پرەزيدەنت اتاپ وتكەندەي، قوردا جيناقتالعان قارجى سيرەك كەزدەسەتىن اۋرۋلارى بار بالالارعا كومەك كورسەتۋگە، قالالاردا، اۋدانداردا، كەنتتەردە، اۋىلداردا بالالارعا ارنالعان سپورت نىساندارىن سالۋعا، قابىلەتتى بالالارعا قولداۋ كورسەتۋگە جانە باسقا دا الەۋمەتتىك ماقساتتارعا باعىتتالاتىن بولادى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار