كاسىپقوي بوكس • 17 قاڭتار، 2022

«كانەلو» قارسىلاس تاڭدادى

120 رەت كورسەتىلدى

ەكىنشى ورتا سالماق دارەجەسىندەگى الەمنىڭ ءابسوليۋتتى چەمپيونى، مەكسيكالىق بوكسشى ساۋل «كانەلو» الۆارەس الداعى جەكپە-جەكتەرىندە كىمدەرمەن كەزدەسەتىنى بەلگىلى بولدى، دەپ حابارلايدى Egemen.kz.

دەرەكتەرگە سەنسەك، مامىر جانە قىركۇيەك ايلارىندا شارشى الاڭعا شىعۋدى جوسپارلاپ وتىرعان مەكسيكا بوكسشىسى جارتىلاي اۋىر سالماقتاعى WBO چەمپيونى، امەريكالىق دجو سميت جانە WBC، IBF تۇجىرىمدارى بويىنشا الەم چەمپيونى، رەسەيلىك ارتۋر بەتەربيەۆپەن كەزدەسۋى ىقتيمال. بۇل تۋرالى Top Rank پروموۋتەرلىك ۇيىمىنىڭ جەتەكشىسى بوب ارۋم حابارلادى.

«ول دجو ءسميتتىڭ سوڭعى جەكپە-جەگىن كوزىمەن كوردى. سودان كەيىن DAZN ستريمينگ قىزمەتىنىڭ جەتەكشىلەرىنە ارتۋر بەتەربيەۆ جانە دجو سميتپەن كەزدەسكىسى كەلەتىنىن ايتقان. سوندىقتان مەن مامىر، قىركۇيەك ايلارىن اسىعا كۇتەمىن. سول كەزدە «كانەلو» مەن ايتقان ەكى بوكسشىنىڭ بىرىمەن شىعىپ قالار»، دەيدى ول.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار