جۇمىس كەستەسى – ساعات 9.00-دەن 18.00-گە دەيىن (دۇيسەنبى-جۇما ارالىعىندا).
ازىرگە الماتى قالاسى, الماتى جانە جامبىل وبلىستارىنىڭ اۆتوحقو-لارى عانا اشىلمايدى. اتالعان وڭىرلەردە اۆتوقىزمەتتەردىڭ قايتا كورسەتىلە باستاعانى تۋرالى اقپارات قوسىمشا حابارلاناتىن بولادى.
«اۆتوقىزمەتتەر – سۇرانىسقا يە مەملەكەتتىك قىزمەتتەردىڭ ءبىرى. قازىر مامانداندىرىلعان حقكو-لار قايتا ىسكە قوسىلادى, ءبىز كليەنتتەردىڭ وندا كوپتەپ كەلەتىنىن بولجاپ وتىرمىز. سوندىقتان بۇل جاعدايعا تۇسىنىستىكپەن قاراۋلارىڭىزدى سۇرايمىن. سونداي-اق اۆتوكولىكتى Kaspi جانە Halyk Homebank بانك قوسىمشالارى ارقىلى قايتا رەسىمدەۋگە بولاتىنىن ەسكە سالامىن. اۆتوحقكو-لاردا كەزەك تۋدىرماۋ ءۇشىن وسى سەرۆيستەردى پايدالانۋعا كەڭەس بەرەمىن» دەدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما توراعاسى ءادىل قوجىقوۆ.
مامانداندىرىلعان حقكو عيماراتىنا كىرۋ Ashyq قوسىمشاسى ارقىلى جۇزەگە اسىرىلادى. ەپيدەميالىق جاعدايعا بايلانىستى كليەنتتەر سانيتارلىق قاۋىپسىزدىك ەرەجەلەرىن ساقتاۋعا ءتيىس – الەۋمەتتىك قاشىقتىقتى ساقتاپ, بەتپەردە تاعۋى كەرەك.
