كاسىپ مەڭگەرگەن قاتاردان قالمايدى

قوعامداعى تۇيتكىلدى ما­سە­لەنىڭ بىرىنە اينالىپ تۇرعان الەۋ­مەتتىك ماسىلدىقتى جويۋ­دىڭ تەتىكتەرى سان الۋان. سونىڭ ءبىرى – ەكى قولعا ءبىر كۇرەك تاپپاي وتىر­عان ادامداردى تۇراقتى جۇمىس­قا ورنالاستىرۋ. بۇل ورايدا مەم­لەكەت تاراپىنان قىرۋار جۇ­مىس اتقارىلۋدا. جۇمىس ىس­تەپ، ناپاقامدى تابامىن دەپ العا ۇمتىلعىسى كەلەتىن ادامدار ءۇشىن بارلىق جاعداي بار. ەڭ­بەك نارىعىندا قازىر جۇمىس بەرۋ­شىلەردىڭ جۇمىسشى تابا الماي وتىرعانى تۋرالى از ايتىلىپ جۇر­گەن جوق. دەمەك، قوعامنىڭ دەر­تىنە اينالىپ وتىرعان مال بىتىر­مەس ماسىلدىقتى جويا الساق، قور­دا­لانىپ قالعان الەۋمەتتىك ما­سە­­لەلەر دە بىرتىندەپ شەشىلەر ەدى.

– رەسپۋبليكادا 2017 جىلدان بەرى ەلەكتروندى ەڭبەك بير­جاسى جۇمىس ىستەيدى. بۇل «تسيفر­لى قازاقستان» مەملەكەتتىك باعدار­لاماسىنىڭ جۇزەگە اسىرىلعان ءبىرىنشى جوباسى. وبلىستاعى جۇ­مىس بەرۋشىلەردىڭ 75 پايىزى تۇرعىنداردى جۇمىسپەن قامتۋ ورتالىعىنا بارماي-اق، ءوزىنىڭ جەكە كابينەتى ارقىلى ۆاكانسيالارىن ورنالاستىرادى. «ەڭبەك.kz» ينتەرنەت رەسۋرسىنىڭ بازاسىنداعى پورتال تۇرعىنداردى جۇمىسپەن قامتۋعا جانە جۇمىسقا ورنالاسۋىنا ىقپال ەتۋگە اقپاراتتىق قىزمەت كورسەتەدى، – دەيدى وبلىستىق جۇ­مىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى دينا احمەتجانوۆا.

جاڭا جوبانىڭ تيىمدىلىگى بىردەن بايقالعان. بۇرىنعىداي بوس جۇمىس ورنىن ىزدەپ سابىلۋدىڭ قاجەتى جوق. ەڭبەك ەتكىڭ كەلسە، تولىمدى تابىسى بار جۇمىس ورنىن ۇيدەن شىقپاي-اق تابا الاسىڭ. بۇعان پورتال ارقىلى 12 مىڭ ادامنىڭ جۇمىسقا ورنالاسۋى دالەل. 2017-2021 جىلدارداعى ءتيىمدى جۇمىسپەن قامتۋدىڭ جانە جاپپاي كاسىپكەرلىكتى دامىتۋدىڭ «ەڭبەك» باعدارلاماسىن جۇزەگە اسىرۋ اياسىندا جۇمىس ىستەمەيتىن 8 مىڭ ادام جۇمىسپەن قامتىلدى. باعدارلامانىڭ ءبىرىنشى باعىتى بويىنشا 1 190 ادام تەحنيكالىق جانە كاسىپتىك ءبىلىم الدى. بۇل دا وتە ءتيىمدى.

ورتا جانە شاعىن بيزنەسكە ايرىقشا سەرپىن بەرەتىن جايت، ەل ىشىندەگى ادامداردىڭ ءتيىمدى كاسىپتى يگەرۋى. جاپپاي كاسىپكەرلىكتى دامىتۋ بويىنشا 1 495 ادام كاسىپ­كەرلىكتىڭ نەگىزىن وقىپ، 413 ادام شاعىن نەسيە، 793 ادام گرانت العان. دەمەك، ءوزىنىڭ ويعا العان كاسىبىن دوڭگەلەتۋگە دە، العاشقى كەزدەگى قاراجاتتىڭ قاجەتتىلىگى ماسەلەسىن شەشۋگە دە تولىق مۇمكىندىك بار.

باعدارلامانىڭ ءۇشىنشى با­عى­تى بويىنشا 504 ادام الەۋ­مەتتىك جۇمىس ورنى مەن 470 ادام جاس­تار تاجىريبەسىمەن، 2 448 ادام قوعامدىق جۇمىسپەن، 46 ادام العاشقى جۇمىس ورنىمەن قام­تىلعان. وتكەن جىلى 1 429 ادام قاتىسقان 104 ەڭبەك جارمەڭكەسى وتكىزىلدى. جالپى، وسى ەڭبەك جار­مەڭ­كەسىنىڭ تيىمدىلىگى جوعارى ەكە­نىن ايتا كەتۋىمىز كەرەك. وڭىردە جۇمىس ورنى جەتىپ ارتىلادى. ايت­پاق­شى، ەڭبەك جارمەڭكەسى بارى­سىندا 300-دەن استام ادام جۇمىس­قا ورنالاستىرىلعانىن ايتساق، مۇنداي شارالاردىڭ تەكتەن-تەككە وتكىزىلمەگەنىن اڭعارۋعا بولادى. 

ەڭبەك نارىعىندا قاتىسۋشى­لاردىڭ باسەكەلەستىگىن ارتتىرۋ ماقساتىندا بۇگىندە كوكشەتاۋ مەن ستەپنوگورسك قالاسىندا اقكول، استراحان، ەگىندىكول، ءبىرجان سال، قورعالجىن اۋداندارىندا 12 جۇ­مىس ىزدەۋ كلۋبى بار. كلۋب جۇ­مىستارى ناتيجەسىز ەمەس. وتكەن جىلى 1 925 ادام جۇمىس ىزدەپ كەلسە، ونىڭ 1 482-ءى جۇمىسپەن قامتىلعان. مەملەكەتتىك باعدار­لامالار مەن جەكەمەنشىك باستاما اياسىندا 26 259 ادام جۇمىسقا ورنالاستىرىلعان.

بيىلدان باستاپ كاسىپكەرلىك بويىنشا 9 جوباسى بار ۇلتتىق جوبا جۇزەگە اسىرىلماق. بۇل جو­با ۇلت دەنساۋلىعى مەن ءبىلى­مىن، كاسىپكەرلىكتى دامىتۋدى قامتي­دى. ەلدىڭ تۇرمىس جاعدايىن جاقسارتۋعا باعىتتالعان تۇراقتى ەكونوميكالىق ءوسىم، اگروونەركاسىپ كەشەنىن دامىتۋ، تسيفرلاندىرۋ، يننوۆاتسيا مەن عىلىم ەسەبىنەن تەحنولوگيالىق سەرپىن قولعا الىن­باق. 2021-2025 جىلدارى ۇلتتىق جو­بانى جۇزەگە اسىرۋ اياسىندا سۋب­سيديالاناتىن جۇمىس ورنىن ۇيىمداستىرعاننان كەيىن تۇ­راق­تى جۇمىسقا ورنالاسقان ادام­دار ۇلەسىن كوبەيتۋگە جانە سۋب­سي­ديالانعان جۇمىس ورنىن ۇيىم­داستىرۋعا قاتىساتىن كاسىپ­ورىن­دار قۇرامىنداعى جەكەمەن­شىك سەكتور ۇلەسىن كوبەيتۋ كوزدەلىپ وتىر.

اقمولا وبلىسى