قازاقستان • 17 قاڭتار، 2022

جۋرناليستەردى ۇستاۋعا بايلانىستى مينيسترلىكتىڭ پىكىرى

58 رەت كورسەتىلدى

اقپارات جانە قوعامدىق دامۋ مينيسترلىگى باق سالاسىنداعى ۋاكىلەتتى ورگان بولىپ تابىلادى جانە ارقاشان باق وكىلدەرىن قولداۋ جونىندەگى ۇستانىمداردى ۇستانادى.

بۇگىنگى تاڭدا قازاقستان اۋماعىندا باق وكىلدەرى ءۇشىن ءتيىستى ايىرىم بەلگىلەرى بەكىتىلگەن بەيبىت جينالىس­تاردا بولاتىن جۋرناليست (بۇقارالىق اقپارات قۇ­رال­دارىنىڭ وكىلى) قىزمەتىنىڭ قاعيدالارى قولدانىلادى.

كەۋدەشە، جەڭدەگى تاڭعىش، جاپسىرما ءجۋرناليستىڭ ايىرىم بەلگىلەرىنىڭ نىساندارى بولىپ تابىلادى. كورسەتىلگەن ايىرىم بەلگىلەرىن تاعىپ ءجۇرۋ كەزىندە ولاردىڭ انىق كورىنۋىن قامتاماسىز ەتۋ قاجەت. مينيسترلىك باق وكىلدەرىن ۇستاپ الۋدىڭ ءاربىر جاعدايىن مۇقيات تەكسەرەدى.

قازىرگى ۋاقىتتا قۇقىق قورعاۋ ورگاندارىمەن بىرلەسىپ، ۇستاپ الۋدىڭ بارلىق فاكتىسى بو­يىنشا تەكسەرۋ جۇرگىزىلىپ، زەردەلەنۋدە. ۇستاپ الۋ فاكتىلەرىن انىقتاۋداعى نەگىزگى پروبلەمالار جۋرناليستەردە ايىرىم بەلگىلەرىنىڭ بولماۋى بولىپ تابىلادى، بۇل ولارعا قا­تىستى كاسىبي قىزمەتتەرىن جۇ­زەگە اسىرۋعا رۇقسات بەرۋدە پروبلەما تۋدىردى.

بۇدان باسقا، وقيعالاردىڭ كور­سەتىلگەن كەزەڭىندە باق-تىڭ جەكەلەگەن وكىلدەرى قا­زاقستان رەسپۋبليكاسىندا «بەيبىت جينالىستاردى ۇيىم­داستىرۋ جانە وتكىزۋ ءتارتىبى تۋرالى» زاڭنامانى بۇزۋ فاك­تىلەرى بويىنشا، سونداي-اق تو­تەنشە جاعداي كەزىندە قۇقىق­تىق ءتارتىپتى بۇزۋعا يتەر­مەلەيتىن ارە­كەت­تەرى جانە تىكەلەي وزدەرىنىڭ كاسى­بي قىز­مەتتەرىن جۇزەگە اسىر­ماعانى ءۇشىن ۇستالدى.

مينيسترلىك توتەنشە جاع­داي رەجىمىنىڭ تالاپتارىنا تۇسى­نىس­تىكپەن قاراۋعا جانە قاتاڭ ساق­تاۋعا، سونداي-اق بۇقارالىق ءىس-شارا­لاردى جاريا ەتۋ كەزىندە جۋر­ناليستەردىڭ ايىرىم بەلگىلەرىنە يە بولۋعا شاقىرادى. اتالعان ماسەلە مينيسترلىكتىڭ تۇراقتى باقىلاۋىندا.

 

اقپارات جانە قوعامدىق دامۋ مينيسترلىگى

سوڭعى جاڭالىقتار

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

يكبال الەمى

تانىم • كەشە

ۇقساس جاڭالىقتار