قازاقستان • 16 قاڭتار، 2022

بەيبىت ميتينگ لاڭكەستىككە قالاي ۇلاستى؟ پد جاۋاپ بەردى

158 رەت كورسەتىلدى

الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ لاڭكەستەر بەيبىت ميتينگىگە قاي ۋاقىتتا قوسىلا باستاعانان ايتتى. دەپ حابارلايدى Egemen.kz.

لاڭكەستەر بەيبىت شەرۋلەرگە 4 قاڭتاردا قوسىلعانى ايتىلدى.

«نارازىلىق اكتسيالارى قالانىڭ ءارتۇرلى بولىكتەرىندە ءبىر ۋاقىتتا وتكىزىلگەنى بارىمىزگە ايان. قاتىسۋشىلار سانى تەز وسە باستادى. رىسقۇلوۆ، ساين كوشەلەرى، شىعىس اينالما جولى جانە تولە بي كوشەلەرى بويىنشا جولداردى جابۋ جانە قوزعالىستى بۇعاتتاۋ ارەكەتتەرى جاسالدى. ميتينگىگە شىققاندار سانىنىڭ ارتۋىنا بايلانىستى ولارعا تەرروريستەر، راديكالدار، ەكسترەميستەر مەن كريميناليتەت قوسىلدى، ولار جينالعانداردى بيلىك پەن پوليتسياعا قارسى اگرەسسيۆتى، زورلىق ارەكەتتەرگە جانە اكىمدىك عيماراتىن باسىپ الۋعا شاقىردى. جيىن ورىندارىنا تاياقتار، بيتالار، تاستار، بوتەلكەلەرگە قۇيىلعان بەنزين مەن الكوگول جەتكىزىلدى. تولە بي كوشەسىندە تروتۋار پليتالارى بولشەكتەلە باستادى. وسىعان بايلانىستى مەن قوعامدىق قاۋىپسىزدىكتى قامتاماسىز ەتۋ، ازاماتتاردىڭ ءومىرى مەن مۇلكىن قورعاۋ ماقساتىندا ارنايى جەدەل جوسپار ەنگىزدىم، دابىل بويىنشا گارنيزوننىڭ بارلىق جەكە قۇرامى كوتەرىلدى. قالا كوشەلەرىندە، ساياباقتاردا، سكۆەرلەردە پوليتسيا مەن اسكەري قىزمەتشىلەردىڭ قوسىمشا جاساقتارى قويىلعان»، دەدى قانات تايمەردەنوۆ وكق بريفينگىندە.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار