ايماقتار • 16 قاڭتار، 2022

الماتى پوليتسيا دەپارتامەنتىنە 27 رەت شابۋىل جاسالعان

80 رەت كورسەتىلدى

بۇل تۋرالى الماتى قالالىق پد باستىعى قانات تايمەردەنوۆ مالىمدەدى، دەپ حابارلايدى Egemen.kz.

5 قاڭتاردا الماتى قالاسىنىڭ ورتالىعىنا ءبىر مەزگىلدە 20 مىڭ ادام جينالعان. 

قانات تايمەردەنوۆتىڭ ايتۋىنشا، سول كۇنى رەسپۋبليكا الاڭىنا جينالعان مىڭداعان شابۋىلشىلار الماتى قالاسى اكىمدىگىن باسىپ الۋعا ەكىنشى رەت تالپىنعان.

- شەكتەۋلى كەڭىستىكتى جانە اكىمدىكتەگى ادامداردىڭ تىعىزدىعىن ەسكەرە وتىرىپ، پوليتسيا قىزمەتكەرلەرى قارۋ قولدانعان جوق. ويتكەنى، كوپتەگەن ادام شىعىنىنا اكەلۋى مۇمكىن ەدى. وسىعان بايلانىستى پوديتسەيلەر قارۋ قولدانباي شەگىنۋگە ءماجبۇر بولدى،- دەدى ول.

سالدارىنا شابۋىلشىلار اكىمدىكتى توناۋ، ورتەۋ ارقىلى دۇنيە-م ۇلىكتى بۇلدىرە باستاعان. پوليتسيا قىزمەتكەرلەرى مەن اسكەري وقۋ ورنىنىڭ كۋرسانتتارىن ۇرىپ-سوعىپ، مازاق قىلىپ ارنايى قۇرالدارى مەن كيىمدەرىن تارتىپ العان.

- قاڭتاردىڭ 5-ىنەن 6-ىسىنا قاراعان ءتۇنى سودىرلار پوليتسيا دەپارتامەنتىنىڭ المالى، جەتىسۋ، اۋەزوۆ، بوستاندىق اۋداندىق بولىمشەلەرىن جانە جەرگىلىكتى پوليتسيا قىزمەتى عيماراتتارىن قارۋلى باسىپ الۋعا ارەكەتتەنگەن. وسىعان بايلانىستى عيماراتتى قورعاۋ جانە اسكەري قارۋلاردىڭ ۇرلانۋىن بولدىرماۋ ماقساتىندا شابۋىل جاساعاندارعا وق اتىلدى. مەن ءوزىم پوليتسيا دەپارتامەنتىندە بولدىم. عيماراتتى باسىپ الۋ ءۇشىن 27 رەت شابۋىل جاسالعان، - دەدى الماتى قالالىق پد باستىعى بۇگىنگى بريفينگتە.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار