«ۋاقىت وتكىزبەي, قوعامدىق قاۋىپسىزدىكتى قامتاماسىز ەتۋ, ازاماتتاردىڭ ءومىرى مەن مۇلكىن قورعاۋ ماقساتىندا ارنايى جەدەل جوسپار ەنگىزىلدى. دابىل بويىنشا گارنيزوننىڭ بارلىق جەكە قۇرامى كوتەرىلدى. قالا كوشەلەرىندە, ساياباقتاردا, الاڭداردا قوسىمشا پوليتسيا جاساقتارى مەن ۇلتتىق ۇلاننىڭ اسكەري قىزمەتكەرلەرى تارتىلدى. قالاداعى ستراتەگيالىق جانە تىرشىلىكتى قامتاماسىز ەتۋ نىسانداردىڭ كۇزەتى كۇشەيتىلدى. بىراق لاڭكەستەر قالانىڭ ءار جەرىندە بىر مەزگىلدە پاترۋلدىك جاساقتارعا شابۋىل جاسادى», دەدى قانات تايمەردەنوۆ.
ول, سونداي-اق, لاڭكەستەر قانشا قارۋ-جاراق ۇرلاعانىن ايتتى.
«لاڭكەستەردىڭ ءبىر توبى عيماراتتاردى باسىپ الىپ جاتقان ۋاقىتتا, باسقا توپتار قارۋ-جاراق دۇكەندەرىن توناۋمەن اينالىستى. ولار سول جەردەن قارۋ-جاراق پەن وق-ءدارى ارسەنالدارىن ۇرلاي باستادى. بارلىعى 1347 قارۋ ۇرلانعانىن انىقتادىق. ونىڭ اراسىندا 501 مىلتىق, 807 تەگىس ۇڭعىلى جانە 39 گاز-تراۆماتيكالىق قارۋ بار. وسىنىڭ بارلىعى ناقتى ۇيىمداستىرىلعان. قىلمىستىڭ توپتاردىڭ ءىس-ارەكەتتەرى توپ جەتەكشىلەرىمەن ۇيلەستىرىلدى», دەپ ءتۇسىندىردى دەپارتامەنت باسشىسى.
