شىمكەنت قالاسىندا 15 قاڭتاردان باستاپ كارانتيندىك شەكتەۋلەر كۇشەيتىلەدى.
قۇجاتقا سايكەس, اشىق اۋادا جانە جابىق ءۇي-جايلاردا, سونىڭ ىشىندە ۇيدە وتباسىلىق جانە ەسكە الۋ شارالارىن, اتاپ ايتقاندا بانكەت, ۇيلەنۋ تويى, مەرەيتويلاردى وتكىزۋگە تىيىم سالىنادى.
تەك Ashyq جوباسىنا قاتىساتىن نىسانداردا 30 ادامعا دەيىن اس بەرۋگە رۇقسات ەتىلەدى.
بۇدان بولەك, قوعامدىق كولىككە جۇكتەمەنى ازايتۋ ءۇشىن ۇيىمدار مەن كاسىپورىنداردا سارالانعان جۇمىس كەستەسى ەنگىزىلەدى.
قاۋلى 2022 جىلدىڭ 15 قاڭتارىنان باستاپ كۇشىنە ەنەدى.
بۇعان دەيىن قازاقستاننىڭ باس مەملەكەتتىك سانيتارلىق دارىگەرى ەلدە ەپيدەميولوگيالىق جاعدايدىڭ ناشارلاۋىنا بايلانىستى جاڭا قاۋلى قابىلدادى. وعان سايكەس, جۇمىس جانە دەمالىس كۇندەرى ساۋدا ورتالىقتارى, فيتنەس, يوگا ورتالىقتارى, باسسەين, ساۋنا, مونشالارعا تەك «جاسىل» ستاتۋسى بار ادامدار كىرگىزىلەدى.
