ايماقتار • 14 قاڭتار، 2022

الماتى اۋەجايىندا قاۋىپسىزدىك شارالارى كۇشەيتىلدى

64 رەت كورسەتىلدى

كولىك پوليتسياسى قىزمەتكەرلەرى الماتى اۋەجايىندا قوعامدىق ءتارتىپتى قاداعالاۋ بويىنشا قوسىمشا شارالار قابىلدادى، دەپ حابارلايدى Egemen.kz.

اۋەجايدىڭ پوليتسيا قىزمەتكەرلەرى كۇشەيتىلگەن رەجيمدە جۇمىس ىستەپ جاتىر. سونىڭ ىشىندە ىزدەۋ سالىنعان ادامداردى انىقتاۋ جۇمىستارى جۇرگىزىلىپ جاتىر.

«اۆياتسيالىق قاۋىپسىزدىك قىزمەتى وكىلدەرىمەن بىرلەسىپ، مەتالل ىزدەۋ قۇرىلعىلارى ارقىلى تەكسەرىس جۇرگىزىلىپ جاتىر. قازىر تەرمينالعا كىرۋگە تەك ۇشاتىن جولاۋشىلارعا رۇقسات بەرىلگەن. جولاۋشىلار مەن ولاردىڭ جۇكتەرى تەكسەرىلەدى»، دەدى پوليتسيا پودپولكوۆنيگى.

سونداي-اق، شەتەل ازاماتتارىنىڭ جانە ازاماتتىعى جوق تۇلعالاردىڭ قر كوشى-قون زاڭناماسى تالاپتارىن ساقتاۋىنا باقىلاۋ كۇشەيتىلگەنى ايتىلدى.

«قازىر ەلىمىزدەگى سانيتارلىق-ەپيدەميولوگيالىق جاعداي جاقسارماعانىن، كەرىسىنشە، كۇن سايىن ءسوVىD-19 جۇقتىرعاندار سانى ارتىپ وتىرعانىن ايتقىمىز كەلەدى. سوندىقتان ازاماتتارعا اۋەجاي مەن باسقا دا قوعامدىق ورىنداردا قاۋىپسىزدىك شارالارىن ساقتاۋدى، جەكە قورعانۋ قۇرالدارىن قولدانۋدى سۇرايمىز»، دەدى الماتى اۋەجايىنداعى جەلىلىك پوليتسيا ءبولىمىنىڭ باستىعى تالعات ءتالىپوۆ.

پوليتسيا قىزمەتكەرى جولاۋشىلاردان قۇجاتتاردى تەكسەرۋ كەزىندە پوليتسيا قىزمەتكەرلەرىنىڭ ارەكەتتەرىنە تۇسىنىستىكپەن قاراۋدى جانە ولارعا كومەك كورسەتۋدى سۇرادى.

 

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار