ونىڭ دەرەگىنشە, تاۋلىك ىشىندە وبلىستا «102» ارناسىنا 592 ءوتىنىش ءتۇسىپ, ولاردىڭ بارلىعى بويىنشا جۇمىس جۇرگىزىلدى. تالداۋعا سايكەس وتىنىشتەر سانىنىڭ ءوسۋى بايقالعان جوق. 16 قىلمىس ءىسى انىقتالىپ, ونىڭ 12-ءسى اشىلدى.
«جاعدايدىڭ تۇراقتىلىعىن ەسكەرە وتىرىپ, تەرروريزمگە قارسى كۇرەس جونىندەگى رەسپۋبليكالىق جەدەل شتاب شىعىس قازاقستان وبلىسىنىڭ اۋماعىندا تەرروريزمگە قارسى وپەراتسيانى اياقتاۋ تۋرالى شەشىم قابىلدادى. سونىمەن قاتار, بۇرىن بەلگىلەنگەن شەكتەۋلەرمەن «توتەنشە جاعداي» رەجيمى جالعاسۋدا. ساعات 23.00 – دەن 07.00 – گە دەيىن وڭىردە كومەندانتتىق ساعات جۇمىس ىستەپ تۇر», دەدى تاتيانا كارپوۆا.
سونداي-اق ونىڭ اتاپ وتۋىنشە, 5 قاڭتاردان باستاپ قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 478-بابى بويىنشا 406 اكىمشىلىك حاتتاما تولتىرىلىپ, 341 ادام اكىمشىلىك جاۋاپقا تارتىلدى. ءبىر تاۋلىك ىشىندە وسى باپ بويىنشا 31 حاتتاما تولتىرىلىپ, 9 ادام اكىمشىلىك جاۋاپقا تارتىلدى.
«قىلمىستىق ىستەر بويىنشا ۇستالعانداردىڭ سانى 94 ادامدى قۇرايدى, سوتقا دەيىنگى تەرگەپ-تەكسەرۋ جۇرگىزىلۋدە. بارلىق ازاماتتاردى قولدانىستاعى شەكتەۋلەرگە شىدامدىلىق تانىتۋعا, توتەنشە جاعداي رەجيمىنىڭ تالاپتارىن قاتاڭ ساقتاۋعا شاقىرامىز, ويتكەنى بارلىق قابىلدانعان شارالار قوعامدىق ءتارتىپتى بۇزۋعا جول بەرمەۋگە جانە ازاماتتاردىڭ قاۋىپسىزدىگىن قامتاماسىز ەتۋگە, سونداي-اق ارانداتۋشىلىققا بوي الدىرماۋعا جانە بۇزۋشىلىقتار تۋرالى پوليتسياعا حابارلاۋعا باعىتتالىپ وتىر», دەدى ول.
