قازاقستان • 14 قاڭتار، 2022

ەلورداعا زاڭسىز كەلگەن 41 ادام قازاقستان اۋماعىنان شىعارىلدى

46 رەت كورسەتىلدى

توتەنشە جاعداي رەجيمى كەزەڭىندە ەلورداعا زاڭسىز كەلگەن 41 ادام قازاقستان اۋماعىنان شىعارىلدى. بۇل تۋرالى نۇر-سۇلتان قالالىق پوليتسيا دەپارتامەنتىنەن ءمالىم ەتتى، دەپ حابارلايدى Egemen.kz

«قازىرگى ۋاقىتتا ەلوردادا جاعداي تۇراقتى. قۇقىق قورعاۋ ورگاندارى ءتيىستى قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋدە. قالا پەريمەترى بويىنشا 6 بلوكبەكەت تاۋلىكتىك رەجيمدە جۇمىس ىستەپ تۇر. ءبىر تاۋلىكتىڭ ىشىندە قالادا 11 قىلمىس، 105 جول-كولىك وقيعاسى تىركەلدى، جاراقات العاندار جوق. توتەنشە جاعداي رەجيمى جاريالانعاننان بەرى بەلگىلەنگەن رەجيمدى بۇزۋ نەمەسە مەملەكەتتىك ورگان بەلگىلەگەن تالاپتاردى ورىنداماۋدىڭ 353 فاكتىسى تىركەلدى. كىنالىلەرگە قاتىستى شەشىمدى سوت قابىلدادى»، دەپ اتاپ وتەدى دەپارتامەنتتەن.

 

ۆەدومستۆو مالىمەتىنشە، توتەنشە جاعداي كەزىندە ەلوردا كوشەلەرى مەن قوعامدىق ورىنداردا ءتيىستى قۇقىقتىق ءتارتىپتى قامتاماسىز ەتۋ ماقساتىندا نۇر-سۇلتان قالاسىنىڭ پوليتسيا قىزمەتكەرلەرى قازاقستان رەسپۋبليكاسىندا بولۋ قاعيدالارىن بۇزعان شەتەلدىكتەردى انىقتاۋ بويىنشا ءىس-شارالار جۇرگىزۋدە. بازارلاردىڭ، ساۋدا ۇيلەرىنىڭ، سۋپەرماركەتتەر مەن قۇرىلىس نىساندارىنىڭ جانە تاعى باسقا نىسانداردىڭ اۋماعىندا جەرگىلىكتى-رەيدتىك ءىس-شارالار وتكىزىلۋدە.

 

كوشى-قون زاڭناماسىن بۇزۋدىڭ 1 300-دەن استام فاكتىسى انىقتالدى. ونىڭ ىشىندە 295 فاكتىسى شەتەل ازاماتتارى تاراپىنان جاسالعان، 41 شەتەل ازاماتى ەلدەن شىعارىلدى. سونىمەن قاتار تىركەۋسىز نەمەسە جەكە باسىن كۋالاندىراتىن قۇجاتتارسىز تۇرىپ جاتقانى جانە تۇرعىن ءۇي يەلەرىنىڭ ءوز ۇيلەرىندە تۇرمايتىن ادامداردى تىركەۋگە جول بەرگەندەرى ءۇشىن قازاقستان رەسپۋبليكاسىنىڭ 940-تان استام ازاماتى جاۋاپقا تارتىلدى.

 

«ەلىمىزدىڭ كوشى-قون سالاسىنداعى زاڭناماسىن بۇزعانى ءۇشىن شەتەلدىكتەردى قابىلداعان 82 ازامات اكىمشىلىك جاۋاپقا تارتىلدى. وسى باعىتتاعى جۇمىستار جالعاسۋدا. اتالعان الدىن الۋ ءىس-شاراسىن وتكىزۋ بارىسىندا پوليتسيا قىزمەتكەرلەرى ەلدە بولۋ مەرزىمى وتكەننەن كەيىن كەتۋدەن جالتارعان ەكى شەتەل ازاماتىن انىقتادى. قۇقىق بۇزۋشىلارعا قاتىستى اقبتك-ءنىڭ 517-بابى 4-بولىگى بويىنشا اكىمشىلىك حاتتاما تولتىرىلدى. اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتتىڭ شەشىمىمەن شەتەلدىكتەر رەسپۋبليكادان تىسقارى جەرگە شىعارىلدى. ۋچاسكەلىك پوليتسيا ينسپەكتورلارى 5882 جالدامالى تۇرعىن ءۇي مەن 490 حوستەلدى تەكسەردى»، - دەلىنگەن ۆەدومستۆو مالىمەتىندە.

 

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار