وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن ءمالىم ەتكەندەي, بيىلعى 3 قاڭتاردان بەرى قاۋىپتى ۆيرۋستى جۇقتىرۋشىلار قاتارى كوبەيگەن. ماسەلەن, 3 قاڭتاردا – 20, 6 قاڭتاردا – 22, 8 قاڭتاردا – 33, 9 قاڭتاردا – 42, 10 قاڭتاردا – 97 ادامنىڭ Covid-19 ينفەكتسياسىن جۇقتىرعانى انىقتالعان. ال 11 قاڭتاردا 139 ادام Covid-19 ينفەكتسياسىنا شالدىقتى.
– قاۋىپتى ۆيرۋستى جۇقتىرۋ دەرەگى اسىرەسە, اتىراۋ قالاسىندا كوبەيىپ وتىر. شاھاردا 11 قاڭتاردا Covid-19 ينفەكتسياسىن جۇقتىرۋدىڭ 110 جاعدايى راستالدى. جىلىوي اۋدانىنداعى تەڭىز كەن ورنىندا 29 ناۋقاس شالدىقتى. كوروناۆيرۋس ينفەكتسياسى سيمپتومدى بەلگىسى 77 ناۋقاستا بار, – دەپ حابارلادى باسقارمانىڭ ءباسپاسوز قىزمەتى.
قازىر كوروناۆيرۋس ينفەكتسياسىن جۇقتىرعان 190 ادام ءۇي جاعدايىندا ەمدەلىپ جاتىر. ال مودۋلدىك اۋرۋحانادا – 142, تەڭىز كەن ورنىنداعى ينفەكتسيالىق ستاتسيوناردا – 126, اۋداندارداعى ستاتسيونارلاردا 17 ناۋقاس وقشاۋلانعان. وڭىردەگى ينفەكتسيالىق ستاتسيونارلاردا 580 توسەكتىك ورىن بار. ستاتسيونارلاردا قاۋىپتى ۆيرۋسقا شالدىققان 285 ناۋقاس ەمدەلىپ جاتىر. مۇنداعى جۇكتەمە – 49,1%. ينفەكتسيالىق ستاتسيونارلاردىڭ 58 ورىنعا ەسەپتەلگەن جانساقتاۋ بولىمىندە جاتقان 8 ناۋقاستىڭ جاعدايى ناشارلادى. جاعدايى وتە اۋىر ءبىر پاتسيەنت وكپەنى جاساندى جەلدەتۋ اپپاراتىنا قوسىلعان. بۇل بولىمدەگى جۇكتەمە 15,5%-دى قۇرايدى.
دارىگەرلەردىڭ ايتۋىنا قاراعاندا, قاۋىپتى ۆيرۋستى تەجەۋدىڭ ءبىر عانا جولى بار. بۇل – ۆاكتسينا سالدىرۋ. سول سەبەپتەن ءوڭىر تۇرعىندارىنا ۆاكتسينانىڭ ماڭىزى تۋرالى اقپاراتتىق ءتۇسىندىرۋ جۇمىسى قايتا قولعا الىندى. قازىر اتىراۋ وبلىسىندا كوروناۆيرۋس ينفەكتسياسىنا قارسى سالىناتىن ۆاكتسينانىڭ ءتورت ءتۇرى بار. وبلىستىق دەنساۋلىق ساقتاۋ باسقارماسى ءباسپاسوز قىزمەتى تاراتقان اقپاراتقا سۇيەنسەك, بىلتىرعى 1 اقپاننان بەرى ۆاكتسينالاردىڭ ءى كومپونەنتىن 259 970 ادام سالدىرىپتى. ال ۆاكتسينالاردىڭ ءىى كومپونەنتىن ەكتىرگەندەردىڭ سانى 242 704 ادامعا جەتكەن.
– اتىراۋ وبلىسىنداعى ەكپە بەكەتتەرىندە كوروناۆيرۋس ينفەكتسياسىنا قارسى سالىناتىن 4 ۆاكتسينانىڭ قورى جەتكىلىكتى. ماسەلەن, QazVac ۆاكتسيناسى ەكپە سالدىراتىن بەكەتتەردىڭ بارىندە بار. ال VeroCell ۆاكتسيناسىن اتىراۋ قالاسىنداعى №2, 3, 5 جانە گەولوگ, ەركىنقالا ەلدى مەكەندەرىندە ەمحانالاردا, سونداي-اق تەمىر جول اۋرۋحاناسى مەن «مەديكەرجايىق» مەكەمەسىندە الۋعا بولادى. بۇل ۆاكتسينانىڭ قورى قىزىلقوعا اۋدانىندا دا جەتكىلىكتى دەي الامىز. سپۋتنيك-V ۆاكتسيناسى اتىراۋ قالاسىنىڭ №1, 2, 3, 4, 5, 7 جانە گەولوگ ەلدى مەكەنىندەگى ەكپە بەكەتىندە بار. ماحامبەت جانە قۇرمانعازى اۋدانىنداعى ەكپە بەكەتتەرى اتالعان ۆاكتسينانىڭ جەتكىلىكتى دوزاسىمەن قامتىلدى, – دەپ ءمالىم ەتتى باسقارمانىڭ ءباسپاسوز قىزمەتى.
مۇنايلى وڭىرگە بىلتىر 19 قاراشادا Pfizer ۆاكتسيناسىنىڭ ەكى كومپونەنتىنە ارنالعان 32 760 دوزاسى جەتكىزىلگەن ەدى. 12 مەن 18 جاس ارالىعىنداعى بالالار سانى 63 138 ادامدى قۇرايدى. ال بالا ەمىزەتىن جانە جۇكتى ايەلدەر سانى – 35 362. بىلتىر 20 قاراشادا ۆاكتسينانى جاسوسپىرىمدەر مەن انالارعا سالۋ باستالدى. سودان بەرى Pfizer ۆاكتسيناسىن 3 120 ادام سالدىردى. ونىڭ ىشىندە بالا ەمىزىپ وتىرعان 1 558 انا مەن 164 جۇكتى ايەل بار. سونداي-اق 12-18 جاس ارالىعىنداعى 1 398 ءجاسوسپىرىم اتالعان ۆاكتسينانى العان.
اتىراۋ وبلىسى
