مەملەكەتتىك مەكەمە مىندەتى سالماقتى

مەملەكەت باسشىسى نۇرسۇلتان نازارباەۆ «قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى» مەملەكەتتىك مەكەمەسىنىڭ كەيبىر ماسەلەلەرى تۋرالى» جارلىققا قول قويدى, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسىنىڭ جار­لى­عىمەن «نازارباەۆ ورتالى­عى» كوپفۋنكتسيالى عىلىمي-تال­دامالىق جانە گۋمانيتارلىق-اعارتۋشىلىق مەملەكەتتىك مەكە­مەسى ارقاۋىندا «قازاقستان رەس­پۋب­ليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى» مەم­لەكەتتىك مەكەمەسىن قۇرۋ قاراس­تىرىلادى. «قازاقستان رەسپۋبليكاسىنىڭ تۇڭعىش پرەزيدەنتى – ەلبا­سىنىڭ كىتاپحاناسى» مەم­لە­كەتتىك مەكەمەسى قازاقستان رەس­پۋبليكاسىنىڭ تۇڭعىش پرە­زيدەنتى – ەلباسىنىڭ جەكە كى­تاپ­حاناسى مەن جەكە مۇ­را­عاتىنىڭ جۇمىسىن قامتاماسىز ەتۋ, قا­زاقستاننىڭ قالىپتاسۋ جانە دا­مۋ تاريحىن زەرتتەۋ, سونداي-اق, قازاقستان رەسپۋبليكاسىنىڭ تۇڭ­عىش پرەزيدەنتى – ەلباسىنىڭ يدەيا­لارى مەن باستامالارىن ەل ءىشىن­دە جانە شەتەلدەردە عىلىمي-تال­دامالىق جانە اقپاراتتىق-يميدج­دىك ىلگەرىلەتۋ ماقساتىندا قۇرىلدى. سونىمەن قاتار, قازاقستان رەس­­پۋب­ليكاسىنىڭ ۇكىمەتىنە ءبىر­قاتار تاپسىرما, سونىڭ ىشىندە قازاقستان رەسپۋبليكاسى مادەنيەت مينيسترلىگىنىڭ «استانا» ۇلتتىق سۋرەت گالەرەياسى» رەسپۋبليكالىق مەملەكەتتىك مەكەمەسىن قۇرۋ ءجو­نىندە تاپسىرما بەرىلدى. قازاقستان رەسپۋبليكاسى پرە­­زيد­ەنتى كەڭسەسىنىڭ باستىعى م.ب.قا­­سىم­بەكوۆكە «قازاقستان رەس­پۋب­ليكاسىنىڭ تۇڭعىش پرەزي­دەنتى – ەلباسىنىڭ كىتاپحاناسى» مەملەكەتتىك مەكەمەسىنىڭ ديرەكتورى مىندەتىن اتقارۋ جۇكتەلدى.