قازاقستان • 13 قاڭتار، 2022

قازاقستان مەن اقش اراسىندا تىكەلەي اۋە قاتىناسى اشىلادى

86 رەت كورسەتىلدى

قر پارلامەنتى سەناتىنىڭ دەپۋتاتتارى «قازاقستان رەسپۋبليكاسىنىڭ ۇكىمەتى مەن امەريكا قۇراما شتاتتارىنىڭ ۇكىمەتى اراسىنداعى اۋە قاتىناسى تۋرالى كەلىسىمدى راتيفيكاتسيالاۋ تۋرالى» زاڭدى قابىلدادى، دەپ حابارلايدى Egemen.kz.

قر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆتىڭ ايتۋىنشا، زاڭ جوباسىن پالاتانىڭ جالپى وتىرىسىندا ۇسىنا وتىرىپ، 2019 جىلعى 30 جەلتوقساندا ەلباسى، قازاقستان رەسپۋبليكاسى پرەزيدەنتىنىڭ تاپسىرمالارىن ورىنداۋ، ۇلت جوسپارى - 100 ناقتى قادامنىڭ 73 قادامىن جانە قازاقستان رەسپۋبليكاسى قاۋىپسىزدىك كەڭەسىنىڭ حاتتاماسىن ىسكە اسىرۋ ماقساتىندا قر ۇكىمەتى مەن اقش ۇكىمەتى اراسىندا اۋە قاتىناسى تۋرالى كەلىسىمگە قول قويىلدى.

«جوبا «قازاقستان رەسپۋبليكاسىنىڭ حالىقارالىق شارتتارى تۋرالى» قازاقستان رەسپۋبليكاسى زاڭىنىڭ 5-بابىنىڭ 2-تارماعىنا سايكەس ازىرلەندى. كەلىسىمنىڭ نەگىزگى ماقساتى - قازاقستان مەن اقش اراسىندا، ونىڭ ىشىندە استانا حالىقارالىق قارجى ورتالىعىن ىلگەرىلەتۋ ءۇشىن قارجى ورتالىقتارىمەن تىكەلەي اۋە قاتىناسىن اشۋ ءۇشىن قۇقىقتىق بازا قۇرۋ»، دەدى قايىربەك وسكەنباەۆ.

حالىقارالىق ازاماتتىق اۆياتسيا ۇيىمىنىڭ اۋە قاتىناسىن ىرىقتاندىرۋ جونىندەگى ۇسىنىستارىنا جانە امەريكاندىق تاراپتىڭ ۇسىنىستارىنا سايكەس، كەلىسىم شەڭبەرىندە تاراپتار اۆياكومپانيالار، مەجەلى پۋنكتتەر مەن جيىلىكتەر سانى بويىنشا، ونىڭ ىشىندە جولاۋشىلار تاسىمالى ءۇشىن «اۋە ەركىندىگىنىڭ» بەسىنشى دارەجەسىمەن شەكتەۋسىز ۇشۋدى ورىنداي الاتىندىعى اتاپ ءوتىلدى.

بۇل كەلىسىم ەل تاريحىندا «اشىق اسپان» رەجيمىندە ءبىرىنشى بولىپ تابىلادى، ياعني كەز كەلگەن قازاقستاندىق اۆياكومپانيا قازاقستاننىڭ كەز كەلگەن قالاسىنان اقش-تىڭ كەز كەلگەن قالاسىنا جيىلىكتەردىڭ شەكسىز سانىمەن جولاۋشىلار ۇشۋىن، سونداي-اق اقش پۋنكتتەرى مەن اقش-تان تىس كەز كەلگەن پۋنكتتەر اراسىندا جۇك ۇشۋلارىن ورىنداي الادى.

2021 جىلعى قاراشادان باستاپ قر پارلامەنتى سەناتىنىڭ كوميتەتتەرىمەن وتىرىس وتكىزىلىپ، كەلىسىمدى راتيفيكاتسيالاۋ تۋرالى زاڭ جوباسى تالقىلانىپ، ماقۇلداندى. قر يدم باسشىسىنىڭ ايتۋىنشا، كەلىسىمدى راتيفيكاتسيالاۋ تۋرالى زاڭدى قابىلداۋ ءبىزدىڭ ەل تاراپىنان قوسىمشا بيۋدجەتتىك شىعىندار مەن مىندەتتەمەلەرگە الىپ كەلمەيدى جانە قازاقستان رەسپۋبليكاسىنىڭ كولىكتىك قولجەتىمدىلىگىن ارتتىرۋعا باعىتتالعان.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار