دەرەكتەرگە زەر سالساق, بوكسشىنىڭ قۇقىعىن ادۆوكات برايان فريدمان قورعايتىن كورىنەدى. سارسەنبى كۇنى نەۆادا شتاتىنىڭ سوتىنا بەرىلگەن شاعىمدا فۋنكتسيونەر قارا ءناسىلدى بوكسشىلاردىڭ كاسىبي مانسابىن ويداعىداي جۇرگىزبەيتىنى جانە ولاردى ناسىلدىك تۇرعىدان كەمسىتەتىنى ايتىلعان. بوكسشىنىڭ ءوزى 2021 جىلى بوب ارۋم باسقاراتىن پروموۋتەرلىك ۇيىمنان كەتكەن بولاتىن.
«ارۋم ناسىلدىك كەمسىتۋشىلىكتى دوعارعان ەمەس. سونىمەن قاتار قارا بوكسشىلاردى تومەندەتىپ سويلەۋىن قويمادى. ونىڭ مۇنداي ارەكەتتەرىنەن ۇيىمداعى كوپتەگەن بوكسشىلار زارداپ شەگىپ ءجۇر. الايدا ولار كەلىسىمشارتتا كورسەتىلگەن جىلدار بويى جەكپە-جەككە شىقپاي قالۋدان قورىققاندىقتان ءۇنسىز ءجۇر. ولار ارۋمعا قارسى ءسوز ايتسا, 5-7 جىل بويى رينگكە كوتەرىلمەيدى», دەلىنگەن بوكسشى تۇسىرگەن شاعىمدا.
بۇل اقپاراتتى تاراتقان Vringe.com. سايتى شاعىم ءالى نەۆادا شتاتىنىڭ سايتىندا تىركەلمەگەنىن حابارلاعان.
