ەل تىنىشتىعى بۇزىلىپ, ەرەۋىلشىلەردىڭ ءىس-قيمىلدارى شەكتەن شىعىپ, قالاداعى جاعدايدى باقىلاۋدا ۇستاۋ قيىنداي باستاعان كەز. قالا تۇرعىندارى ءۇشىن قاۋىپ كۇشەيە باستادى. ءدال وسىنداي كەزەڭدە ەلىمىزدە قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆتىڭ جارلىعىمەن توتەنشە جاعداي جاريالاعان ساتتەن باستاپ, اكادەميا باستىعى رەتىندە جەدەل جاعدايدا شتاب قۇرىپ, كەڭەس وتكىزدىم.
سوسىن بىردەن ارەكەتكە كىرىسىپ كەتتىك. سونداي-اق ىشكى ىستەر ورگاندارىنىڭ قۇقىقتىق قۇرىلىمدارى دا قالانى سودىرلاردان ازات ەتۋ قيمىلدارىنا كوشتى. مينيسترلىكتىڭ رەزەرۆتەگى كۇشتەرى – اكادەميا باسشىلىعىنىڭ شەشىمىمەن قۇرىلعان 111 ادامنان تۇراتىن ارنايى جاساق, ونىڭ ىشىندە تۇراقتى قۇرامداعى 72, اۋىسپالى قۇرامداعى 39 وفيتسەرى مەن (№2 فاكۋلتەت تىڭداۋشىلارى) ىشكى ىستەر ءمينيسترى, پوليتسيا گەنەرال-لەيتەنانتى ەرلان تۇرعىمباەۆتىڭ بۇيرىعىمەن قالانىڭ قاۋىپسىزدىگىن قامتاماسىز ەتۋ ءۇشىن بىردەن شۇعىل قيمىلدارعا كىرىستى.
قالاداعى ماڭىزدى نىساندارعا ب ۇلىكشىلەر مەن دەسترۋكتيۆتى كۇشتەر تاراپىنان شابۋىل ۇدەي باستادى. ەرەۋىلشىلەر قالاداعى قۇقىق قورعاۋ قۇرىلىمدارىنىڭ عيماراتتارىنا شابۋىلداپ, ماڭىزدى نىساندار ورتكە ورانعان, بەيبىت تۇرعىنداردىڭ ومىرىنە قاۋىپ كۇشەيگەن ساتتە بار كۇش-جىگەرلەرىن سالىپ, انتتارىنا ادال بولدى.
مينيسترلىكتىڭ رەزەرۆتەگى كۇشتەرى سانالاتىن ارنايى جاساق اكادەميا وفيتسەرلەرى مەن №2 فاكۋلتەت تىڭداۋشىلارى پوليتسيا دەپارتامەنتىنىڭ گارنيزونى, ۇلتتىق ۇلان ساربازدارىمەن بىرگە بايتۇرسىن ۇلى كوشەسى مەن بوگەنباي باتىر, تولە بي كوشەلەرىنىڭ قيىلىسىندا ورىن العان ەرەۋىلشىلەردىڭ شابۋىلىن توقتاتۋعا ارەكەت ەتتى. ءتۇرلى قارۋ اسىنعان, گراناتا, سويىل, تاسپەن قارۋلانعان ەرەۋىلشىلەر پوليتسيا جاساعىن قورشاپ, ىدىراتۋدى كوزدەي وتىرىپ, اۆتوكولىكتەرگە, مەكەمەلەر مەن عيماراتتارعا شابۋىلىن كۇشەيتتى. تۇتىنگە ورانعان كوشەلەردەگى تارتىپسىزدىكتى بۇعاتتاۋ مەن ەرەۋىلشىلەرگە توسقاۋىل جاساۋ قانشالىقتى قيىنعا سوقسا دا اكادەميا وفيتسەرلەرى وزگە دە قارۋلاستارى, قارۋلى كۇش ساربازدارىمەن بىرگە قيان-كەسكى سوعىستىڭ بەل ورتاسىنان تابىلدى. وسى كەزدە جاساق ساپىندا پوليتسيا پولكوۆنيگى ولەگ تسوي تاياۋ ماڭدا جارىلعان گراناتادان جاراقات الىپ, بەتىنە تيگەن جارىقشاققا قاراماستان, اسكەري مىندەتىن جالعاستىرا بەردى. ەرەۋىلشىلەر اكادەميا اۆتوكولىگىنە تاس جاۋدىرا باستادى. جۇرگىزۋشى سەرىك اشراحانوۆ پەن ءمۇسلىم كوجانوۆتاردىڭ شۇعىل ارەكەتتەرىنىڭ ارقاسىندا اينەگىنىڭ سىنعانى بولماسا, اكادەميا كولىكتەرى قاۋىپسىز اۋماققا اكەتىلدى.
جاساقتىڭ كۇشتىك قۇرىلىمىن ساقتاي وتىرىپ, ەرەۋىلشىلەردى توقتاتۋ ماقساتىندا پوليتسيا پولكوۆنيگى ايدوس ەسكەندىروۆ پەن وتريادتىڭ ءبىراز ساربازى بوگەنباي باتىر جانە ماسانشى, قاراساي باتىر كوشەسىنىڭ اۋماعىن باقىلاۋعا الدى. وسى باعىتپەن قوزعالىپ كەلە جاتقاندا, جاساق ساپىنان اداسىپ قالعان ۇلتتىق ۇلاننىڭ مەرزىمدى قىزمەتىنىڭ «وڭتۇستىك» وڭىرلىك قولباسشىلىعى № 6654 اسكەري بولىمشەسىنىڭ اسكەري قىزمەتشىلەرى ن.التىنبەكوۆ جانە ە.الداشەۆتى كەزدەستىرىپ, ولاردىڭ قاۋىپسىزدىگىن قامتاماسىز ەتتى. قۇراما جاساق كومانديرى, پوليتسيا پولكوۆنيگى سەرىك كەنەنباەۆتىڭ تاپسىرماسىمەن ەكى سارباز كۇزەتكە الىنىپ, ولاردىڭ امان-ەسەندىگى جايىنداعى اقپارات اسكەري ءبولىمىنىڭ باسشىلىعىنا باياندالدى. كەيىننەن جاعداي تۇراقتالعان سوڭ اتا-انالارىنا بالالارىنىڭ اماندىعى حابارلانىپ, اسكەري بولىمشەگە جەتكىزىلدى.
وسىنداي قاۋىرت كەزەڭدە ءمينيستردىڭ تاپسىرماسىمەن الماتى قالاسىنىڭ شتابىنان جەدەل نۇسقاۋ ءتۇستى. سول مەزەتتە اكادەميا باسشىسى رەتىندە دەرەۋ تاپسىرما بەرىپ, پوليتسيا پولكوۆنيگى سەرىك كەنەنباەۆتىڭ باسقارۋىمەن اكادەميا قىزمەتكەرلەرى مەن №2 فاكۋلتەتتىڭ تىڭداۋشىلارىنان جاساقتالعان قۇراما جاساق مينيسترلىكتىڭ رەزەرۆتەگى اسكەرلەرى قوعامدىق ءتارتىپتى قامتاماسىز ەتۋ ماقساتىندا قاراساي باتىر مەن ماسانشى كوشەلەرىنىڭ قيىلىسىندا ورنالاسقان الماتى قالالىق پوليتسيا دەپارتامەنتىنە قوسىمشا كۇش رەتىندە كومەككە كەلدى. بۇل اسقان ەرلىك پەن جەدەل ارەكەتتەردىڭ ناتيجەسىندە بولىپ جاتتى.
بۇل كۇندەرى اكادەميانىڭ قۇراما جاساعى ءۇشىن الماتى قالاسى پوليتسيا دەپارتامەنتىنە جاسالعان شابۋىلدى قۇرىقتاۋ وڭايعا سوققان جوق. تاۋلىك بويى الماتى قالاسى پوليتسيا دەپارتامەنتى قىزمەتكەرلەرىمەن بىرگە دەپارتامەنتتى باسىپ الۋ ماقساتىندا شابۋىل جاساعان ب ۇلىكشىلەردىڭ ارەكەتىنە قارسى تويتارىس بەرىلدى.
دەپارتامەنتتىڭ ىشكى اۋلاسىن, قىزمەتتىك اۆتوكولىكتەردى, تاۋارلىق-ماتەريالدىق قۇندىلىقتاردى قورعاۋ, قورعاۋشى كۇشتەرگە قارۋ-جاراقتاردى جاساقتاۋ جانە جەتكىزۋمەن قاتار شابۋىلداردى, ارانداتۋلاردى جانە باسقا دا قوعام قاۋىپسىزدىگىنە قارسى بارلىق ءىس-قيمىلداردى باقىلاۋعا الدىق. وسىلايشا, جەكە قۇرام قاۋىپسىزدىكتى ساقتاي وتىرىپ, جەكە باستارىنا تونگەن قاۋىپكە قاراماستان, بىرنەشە رەت ب ۇلىكشىلەر تاراپىنان پوليتسيا دەپارتامەنتى قاقپاسىن بۇزىپ ءوتۋ ارەكەتتەرىنە قارسى تۇردى.
اكادەميا قۇراما جاساق وفيتسەرلەرى ەرلىكتىڭ, بىرلىكتىڭ ارقاسىندا توتەنشە جاعدايعا دايىن ءارى ءوز مىندەتتەرىن قالتقىسىز ورىنداۋعا ءازىر ەكەندەرىن كورسەتتى. وسى كۇندەردە ورىن العان توتەنشە جاعداي كەزىندە ءىىم الماتى اكادەمياسىنىڭ قىزمەتكەرلەرى مەن №2 فاكۋلتەت تىڭداۋشىلارى ناقتى ءىس-قيمىلدارعا بارىپ, ەرەن ەرلىكتىڭ ۇلگىسىن كورسەتە ءبىلدى.
سونداي-اق وزدەرىڭىزگە بەلگىلى ۇقك شەكارا اكادەمياسى مەن اسكەري كلينيكالىق گوسپيتالعا سودىرلار شابۋىل جاساعان كەزدە سونىڭ جانىنداعى الماتى اكادەمياسىنىڭ نازارباەۆ, 262 داڭعىلىنداعى №2 اۋماعىنا دا شابۋىل جاسالدى. الايدا ول اۋماققا پوليتسيا پولكوۆنيگى تالعات بەركينباەۆ باستاعان اكادەميا جاساعى توتەپ بەرىپ, قارسى تۇردى. بۇل ءوز قىزمەتىنە ادال, انتىنا بەرىك بولعان جوعارى كاسىبيلىكتى, ءارى باتىرلىقتى تانىتقان ەرجۇرەك ازاماتتاردىڭ ءىسى.
جەدەل قىزمەتتىك تاپسىرمالاردى قالتقىسىز ورىنداپ, قوعامدىق ءتارتىپ پەن قاۋىپسىزدىكتى قامتاماسىز ەتۋدە ءىىم الماتى اكادەمياسىنىڭ قۇراما جاساعى تولىق قۇرامدا, ارنايى جابدىقتار مەن قىزمەتتىك كولىكتىڭ قاۋىپسىزدىگىن جاۋاپكەرشىلىكتەرىنە الا وتىرىپ, اكادەميا اۋماعىنا امان-ەسەن ورالدى.
وفيتسەرلەر ءۇشىن تىنىمسىز تۇندەر مەن كۇندەر ءالى اياقتالعان جوق. كازارمالىق رەجىمدە ءالى دە قاراۋىلداپ, جاساقپەن ەل قاۋىپسىزدىگى ءۇشىن قىزمەتتى جالعاستىرۋدا. سودىرلار تاراپىنان بولۋى مۇمكىن شابۋىلدار قاۋپى ءالى سەيىلمەي تۇر. دەسترۋكتيۆتى ارەكەتتەردىڭ الدىن الىپ, مەملەكەت مۇلكىن تالان-تاراجعا سالۋ مەن قيراتۋعا جول بەرمەۋ ماقساتىندا اكادەميا وفيتسەرلەرى كۇزەت قيمىلدارىن كۇشەيتىپ, بەرىكتىك تانىتۋدا.
وسىنداي قيىن-قىستاۋ كەزەڭدە ەل بولاشاعى ءۇشىن جاۋاپكەرشىلىكتىڭ اۋىر جۇگى مەملەكەت باسشىسىنىڭ موينىندا. ال ءدال قازىر ءار ازاماتتىڭ, ءار وتباسىنىڭ, تۇتاس قوعام قاۋىپسىزدىگىنىڭ جالعىز كەپىلى – ەل پرەزيدەنتى قاسىم-جومارت توقاەۆتىڭ ساياساتىن اكادەميانىڭ جەكە قۇرامى بۇگىنگى جاعدايدا تولىق قولدايدى.
ايدار سايتبەكوۆ,
ءىىم م.ەسبولاتوۆ اتىنداعى
الماتى اكادەمياسىنىڭ باستىعى,
پوليتسيا پولكوۆنيگى
الماتى
