كومەندانتتىڭ ايتۋىنشا, ەلوردادا جاعداي تۇراقتى. ءبىر تاۋلىك ىشىندە قالادا 8 قىلمىس جاسالدى, 83 جول-كولىك وقيعاسى تىركەلدى, ناتيجەسىندە ەكى ادام زارداپ شەكتى.
سونداي-اق, 464 اكىمشىلىك قۇقىق بۇزۋشىلىق انىقتالدى, ونىڭ ىشىندە 183-ءى ءتيىستى ەرەجەلەردى بۇزۋ, 36-سى قوعامدىق ورىنداردا سپيرتتىك ىشىمدىكتەردى ءىشۋ جانە 18-ءى حالىقتىڭ كوشى-قونى سالاسىندا بۇزۋشىلىق فاكتىلەرى.
ەستەرىڭىزگە سالا كەتەيىك, قالا پەريمەترى بويىنشا تاۋلىك بويى 6 بلوكپوست جۇمىس ىستەيدى.
توتەنشە جاعداي رەجيمى ەنگىزىلگەننەن بەرى 200-دەن استام ادام ۇستالدى. ونىڭ ىشىندە 28 ادام اكىمشىلىك قاماۋعا الىندى.
توتەنشە جاعداي كەزىندە جالعان حابارلامالار پايدا بولدى, ولار توقتاتىلدى. تۇرعىنداردان تەك رەسمي اقپارات كوزدەرىنە سەنۋدى سۇرايدى.
جالعان اقپارات تاراتۋدىڭ 3 فاكتىسى انىقتالدى. بارلىق فاكتى بويىنشا قىلمىستىق ىستەر قوزعالدى.
«جالعان اقپارات تاراتۋعا جول بەرىلمەيتىنى تۋرالى ەسكەرتەمىن. تج جاعدايىندا قر قك 274-بابىنا سايكەس جەتى جىلعا دەيىن باس بوستاندىعىنان ايىرۋ كوزدەلگەن.
تاعى دا ەسكە سالامىن, توتەنشە جاعداي كەزىندە قۇقىققا قارسى ءىس-ارەكەت جاساۋ جاعدايدى اۋىرلاتاتىن ءمان-جاي بولىپ سانالادى جانە نەعۇرلىم قاتاڭ جاۋاپكەرشىلىككە اكەپ سوعادى.
قۇرمەتتى تۇرعىندار, كومەندانتتىق ساعاتتى بۇزباڭىزدار, زاڭعا باعىنىڭىز جانە تىنىشتىقتى ساقتاڭىز», دەلىنگەن ەلوردا كومەندانتىنىڭ ۇندەۋىندە.
