قازاقستان • 12 قاڭتار، 2022

«جەكە قوسالقى شارۋاشىلىق تۋرالى» زاڭ جوباسى ماجىلىستە تالقىلانادى

56 رەت كورسەتىلدى

قر پارلامەنتى ءماجىلىسىنىڭ دەپۋتاتتارى «جەكە قوسالقى شارۋاشىلىق تۋرالى» زاڭ جوباسىن قارايدى، دەپ حابارلايدى Egemen.kz.

«بۇل زاڭ جوباسى مەملەكەت باسشىسى جولداۋىنىڭ جالپىۇلتتىق ءىس-شارالار جوسپارىن ىسكە اسىرۋ ماقساتىندا ازىرلەندى. زاڭ جوباسىنىڭ ماقساتى - جەكە قوسالقى شارۋاشىلىقتاردىڭ قىزمەتىن مەملەكەتتىك رەتتەۋ سالاسىنداعى زاڭنامانى جەتىلدىرۋ. اگرارلىق ماسەلەلەر جونىندەگى كوميتەت وسى زاڭ جوباسى بويىنشا قورىتىندى ازىرلەۋگە دايىن»، دەدى ءماجىلىستىڭ اگرارلىق ماسەلەلەر جونىندەگى كوميتەتىنىڭ توراعاسى ەرلان بارلىباەۆ پالاتانىڭ جالپى وتىرىسىندا قۇجاتتى ۇسىنا وتىرىپ.

ءماجىلىس دەپۋتاتتارى سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەكە قوسالقى شارۋاشىلىقتاردىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلايدى.

«زاڭ جوباسى جەرگىلىكتى وكىلدى جانە اتقارۋشى ورگاندارعا جەكە قوسالقى شارۋاشىلىقتاردىڭ قىزمەتىن دامىتۋ جانە نىعايتۋ بويىنشا قوسىمشا وكىلەتتىكتەر بەرۋ ءۇشىن ازىرلەندى. قۇجاتتىڭ ماقساتى - قولدانىستاعى زاڭنامانىڭ نورمالارىن جاڭادان ازىرلەنگەن «جەكە قوسالقى شارۋاشىلىق تۋرالى» زاڭ جوباسىنا سايكەس كەلتىرۋ. اگرارلىق ماسەلەلەر جونىندەگى كوميتەت وسى زاڭ جوباسى بويىنشا قورىتىندى ازىرلەۋگە دايىن»، دەدى ەرلان بارلىباەۆ.

سوڭعى جاڭالىقتار

ۇقساس جاڭالىقتار