ساۋدا ورتالىعىنىڭ ىشىنەن ءتۇرلى زاتتار ۇرلانعان. اتالعان وقيعا شىمكەنت قالاسى پوليتسيا دەپارتامەنتى جەدەل باسقارۋ ورتالىعىنىڭ بەينەباقىلاۋ كامەرالارىنا تۇسكەن.
جايت قاراتاۋ اۋدانىنىڭ پوليتسيا باسقارماسىمەن سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە قر قىلمىستىق كودەكسى 188-بابىنىڭ 3-بولىگىمەن (ۇرلىق) تىركەلدى.
پوليتسيا قىزمەتكەرلەرىمەن جەدەل-ىزدەستىرۋ ءىس-شارالارىن جۇرگىزۋ بارىسىندا نۇرسات-3 شاعىناۋدانىندا ورنالاسقان جالدامالى پاتەرلەردىڭ بىرىندە وقيعاعا قاتىسى بار دەگەن كۇدىكپەن 4 تۇلعا انىقتالىپ, ۇستالدى. ولار 2001 جانە 2002 جىلدارى تۋىلعان تۇركىستان وبلىسىنىڭ تۇرعىندارى بولىپ شىقتى.
ولاردان ايعاقتى زات رەتىندە «مەترو» ساۋدا ورتالىعىنان ۇرلانعان تاۋارلار تاركىلەنىپ الىندى.
اتالعان ازاماتتارعا قاتىستى كۇزەتپەن ۇستاۋ تۇرىندەگى بۇلتارتپاۋ شاراسى قولدانىلدى.
سونىمەن قاتار, ءال-فارابي اۋدانى پوليتسيا باسقارماسىنىڭ قىزمەتكەرلەرىمەن جەدەل ءىس-شارالار بارىسىندا ساۋدا ورتالىعىنىڭ زاتتارىن ۇرلاعان تاعى ءبىر 1995 جىلى تۋعان ازامات ۇستالدى. ول ۇرلانعان زاتتاردى ءوزى جۇمىس ىستەيتىن كولىك جۋ ورنىنىڭ دەمالىس بولمەسىندە جاسىرعان بولىپ شىقتى. ۇرلانعان تاۋارلاردان بولەك, بولمەدە ەرەكشە ءيىسى بار زات پەن ىشىندە سارى سۇيىقتىعى بار كەسىلگەن پلاستيكالىق بوتەلكە, جانە كاستەت انىقتالدى.
قازىرگى تاڭدا جايتتار بويىنشا تەرگەپ-تەكسەرۋ امالدارى جۇرگىزىلۋدە.
سونىمەن قاتار, «مەترو» ساۋدا ورتالىعىنان ۇرلانعان باسقا دا زاتتاردى انىقتاۋعا باعىتتالعان شۇعىل ءىس-شارالار جالعاسۋدا.
