ينۆەستيتسيا تارتۋ بيزنەستىڭ وزىنە بايلانىستى

كەشە ورتالىق كوممۋنيكاتسيالار قىزمەتىندە ەكونوميكا جانە بيۋدجەتتىك جوسپارلاۋ مينيسترلىگى جانىنداعى «ەكونوميكالىق زەرتتەۋلەر ينستيتۋتى» اق-تىڭ پرەزيدەنتى ماقسات مۇقانوۆ ءباسپاسوز ءماسليحاتىن وتكىزدى. ول ەلدەگى ەكونوميكانىڭ دامۋى تۋرالى باياندادى. قازاقستان ەكونوميكاسىنىڭ تۇراقتى دامىپ كەلە جاتقانىن بايانداعان اكتسيونەرلىك قوعام پرەزيدەنتى, دامىعان جانە دامۋشى ەلدەردىڭ ءبارى دە يندۋستريالاندىرۋ شاراسىن جۇرگىزىپ جاتقانىن ايتتى. ەكونوميكالىق دامۋدى ءارتاراپتاندىرۋ ءىسى قازاقستاندا دا مىقتاپ قولعا الىنعانىنا توقتالىپ, سونىڭ نەگىزىندە يندۋس­تريالاندىرۋ باعدارلاماسىنىڭ ءبىرىنشى بەسجىلدىعىندا اتقا­رىلعان جۇمىستار جونىندە اڭگى­مەلەدى. دەگەنمەن, ەكونوميكانى ءارتاراپتاندىرۋ ءبىر كۇننىڭ عانا شارۋاسى ەمەس ەكەنىنە نازار اۋداردى. –  وسى كۇندە ەلىمىزدە وڭدەۋشi سەكتور ەكونوميكا ءوسiمiنiڭ نەگiزگi قوزعاۋشى كۇشi بولىپ وتىر. دەسەم دە, بiزدە قازiر ەكi ۇعىم قا­لىپتاسقان.  ولار – ماقساتتى ەكو­نو­ميكا مەن مەملەكەت بيز­نەسكە كەدەرگى كەلتىرىپ وتىر دەگەن جاڭساق پىكىر بار. بۇعان باي­لا­نىستى ايتارىم, مەملەكەت قا­زىرگى ۋاقىتتا ەكونوميكانى ءارتا­راپ­تاندىرۋ بويىنشا جۇمىس جۇرگىزىپ جاتىر. قازاقستان قازىرگى ۋاقىتتا ءوزىنىڭ الدىنا ۇلكەن مىندەت قويىپ وتىر. ۇدەمەلى ين­دۋس­تريالىق-يننوۆاتسيالىق دا­مۋ باعدارلاماسىن جۇزەگە اسىرىپ, يندۋستريالاندىرۋدىڭ ەكiنشi بەسجىلدىعىن ازىرلەۋگە كىرىسكەن. ارينە, ءبارىن ءبىر ۋاقىتتا جۇزەگە اسىرۋ مۇمكىن ەمەس. وسىنى ەسكەرىپ, كەيبىر ورىن العان كەدەرگىلەرگە تۇسىنىستىكپەن قاراپ, مەملەكەتتىڭ بيزنەس سالاسىنداعى ساياساتىن قولداۋ كەرەك, دەدى م.مۇقانوۆ. ول بيىلعى جىل ەلىمىز ءۇشىن ەڭ ماڭىزدى كەزەڭنىڭ باسى ەكەنىن دە ايتتى. قازاقستان ەكونوميكاسىنىڭ دامۋىن تۇراقتاندىراتىن يندۋس­تريالاندىرۋ باعدارلاماسىنىڭ ەكىنشى بەسجىلدىعى اۋقىمدى ءىس­تەر­دى قامتيتىنىن تىلگە تيەك ەتتى. «شيكىزات ەكسپورتتاۋدان ونى تۇبەگەيلى وڭدەپ, سودان كەيىن نا­رىققا شىعارۋ ءىسى جۇزەگە اسقاندا عانا قازاقستان قازىرگى العا قويعان ماقساتىنا جەتەتىن بولادى», دەپ ءبىر قايىردى. ول ءۇشىن مەملەكەت بيزنەستىڭ دامۋىنا كەدەرگى كەلتىرىپ وتىر دەگەن جالعان ۇعىمنان ارىلىپ, كاسىپكەرلەر ۇلكەن جوبا-جوسپارلاردى قايمىقپاي قولعا الۋى كەرەكتىگىن العا تارتتى. بايانداماشى مەملەكەتىمىز ءتۇرلى سالانى ءورىستى دامىتۋ ماق­ساتىنا ينۆەستيتسيا تارتۋ ءۇشىن دە قولايلى جاعداي جا­ساپ وتىرعانىن تاپتىشتەدى. ءسوي­تە كەلىپ, «قازاقستاندا ينۆەس­تي­تسياعا قولايلى جاعداي جاساۋ تەك مەملەكەتتىك شارالارمەن شەكتەل­مەۋى ءتيىس. وتاندىق كاسىپ­كەر­لەردىڭ الەۋەتتى ينۆەس­تورلارمەن جۇ­مىس ىستەي ءبىلۋ شەبەرلىگى دە وسى ماسەلەنىڭ ماڭىزدى شارتى بولىپ تابىلادى. مەملەكەت تاراپىنان سالىقتار جانە ينۆەستيتسيالىق جەڭىلدىكتەر تۇرعىسىنان كوپتەگەن قولايلى جاعدايلار جاسالىپ وتىر. ايرىقشا كەدەندىك رەجىمدە جۇ­مىس ىستەيتىن ارنايى ايماقتار قۇ­رىلۋدا جانە ولار وڭدەۋشى سەكتور ءۇشىن وتە قولايلى ءارى ىڭعايلى», دەدى م.مۇقانوۆ. نۇرباي ەلمۇراتوۆ, «ەگەمەن قازاقستان».