«قازاقپارات» حاا تاراتقان اقپارات بويىنشا, ۇقشۇ ءباسپاسوز حاتشىسى ۆلاديمير زاينەتدينوۆتىڭ حابارلاۋىنشا, 2022 جىلدىڭ 6 قاڭتارىندا ۇقشۇ باس حاتشىسى ستانيسلاۆ زاس پەن ۇجىمدىق قاۋىپسىزدىك كەڭەسىنىڭ توراعاسى, ارمەنيا پرەمەر-ءمينيسترى نيكول پاشينيان تەلەفون ارقىلى سويلەستى.
س.زاس قازاقستان رەسپۋبليكاسىنداعى جاعداي تۋرالى ايتىپ, ۇجىمدىق قاۋىپسىزدىك كەڭەسىنىڭ ەلدەگى جاعدايدى تۇراقتاندىرۋ ءۇشىن ەلىمىزگە ۇقشۇ-نىڭ ۇجىمدىق بىتىمگەرلىك كۇشتەرىن جىبەرۋ تۋرالى شەشىمىنىڭ قالاي ورىندالىپ جاتقانىن جەتكىزدى. قازىرگى تاڭدا رەسەيدىڭ اۋە-عارىش كۇشتەرىنىڭ اسكەري-كولىك ۇشاقتارىمەن بىتىمگەرلىك كۇشتەرى جەتكىزىلىپ جاتىر.
ۇقشۇ ۇجىمدىق بىتىمگەرلىك كۇشتەرىنىڭ باستى مىندەتى ماڭىزدى مەملەكەتتىك نىسانداردى قورعاۋ, قر قۇقىق قورعاۋ ورگاندارىنا جاعدايدى تۇراقتاندىرىپ, زاڭنىڭ ۇستەمدىك ەتۋىن قامتاماسىز ەتۋگە كومەكتەسۋ.
