«الماتىدا شابۋىلعا شىققان بەلگىسىز توپ (تەرروريستىك كۇشتەر) «Qazaqstan» ۇلتتىق تەلەارناسىنىڭ قالالىق فيليال عيماراتىنا ءورت قويدى. كامەرالار تونالىپ, «التىن قور» قويماسى مەن سەرۆەرلەر بولمەسى ورتەنىپ كەتتى. شابۋىلشىلار جاقىندا تەلەۆيزيا قايراتكەرلەرىنە (كەنجەبولات شالاباەۆ, كامال سمايىلوۆ, ساعات اشىمباەۆ, شەرحان مۇرتازا) قويىلعان ەسكەرتكىشتەردى تولىقتاي قيراتقان», دەلىنگەن ءباسپاسوز قىزمەتى تاراتقان حابارلامادا.
تەلەراديوكورپوراتسيا اقپاراتى بويىنشا, قازىر عيماراتتا ءورت ءسوندىرۋ جۇمىستارى ءجۇرىپ جاتىر.
«وقيعا كەزىندە كەڭسەدە بولعان زاڭگەر جەڭىل دەنە جاراقاتىن الدى. قازىر ارنايى قىزمەت ءورتتى سوندىرۋدە. «قازاقستان تەلەراديوكورپوراتسياسى وزگە ارىپتەستەرى مەن بارشا قازاقستاندىقتاردى ساق بولۋعا شاقىرادى», دەپ حابارلادى تەلەراديوكورپاتسيانىڭ ءباسپاسوز قىزمەتى.
