«قۇرمەتتى جەرلەستەر! كەشە تاراز قالاسىنداعى ورتالىق الاڭعا جينالعان حالىقتىڭ الدىنا شىعىپ, سابىرلىققا شاقىرىپ, زاڭسىزدىققا بوي الدىرماۋعا, ورتاق ديالوگقا كەلۋگە ءوتىنىش بىلدىرگەنمىن. الايدا, وكىنىشكە قاراي بىرنەشە جۇزدەگەن جاستار قالاداعى باستى كوشەلەرمەن ءجۇرىپ ءوتىپ, تارتىپسىزدىك پەن زاڭسىزدىققا, بۇزاقىلىق ارەكەتتەرگە جول بەردى. سونىڭ سالدارىنان 10-نان استام پوليتسيا كولىگى اۋدارىلىپ, ورتەنىپ, وبلىس اكىمىنىڭ اپپاراتىنىڭ عيماراتى, ورتالىق اۋماقتاعى (اتشابار) «كاسپي بانك» بولىمشەسى ايتارلىقتاي زارداپ شەكتى.
زاڭ, ءتارتىپ ساقتالۋ كەرەك! مەملەكەت م ۇلىگىنە زيان كەلتىرۋ, قوعامدىق ءتارتىپتى بۇزۋ زاڭمەن قۋدالانادى. ءبىزدىڭ ويىمىزشا, بۇزاقىلىق سيپاتتاعى جۇزدەگەن جاستار قانداي دا ءبىر توپتىڭ ايتاعىنا ەرگەندەر. بارشاڭىزدى اراڭداتۋشىلىققا بوي الدىرماۋعا, ىرىتكى سالۋدان اۋلاق بولۋعا شاقىرامىن! قانداي دا ءبىر زاڭسىز ارەكەتتەردىڭ بارلىعى ءۇشىن جاۋاپ بەرەتىندىكتەرىڭىزدى قاتاڭ ەسكەرتەمىن», دەلىنگەن جامبىل وبلىسى اكىمىنىڭ ۇندەۋىندە.
