– كارامات ساتتارقىزى, ءسىزدى جاڭا كەلگەن جىلمەن جانە Muzzone تەلەارناسى جوباسىنىڭ جەڭىمپازى بولۋىڭىزبەن قۇتتىقتايمىز. سوڭعى جىلدارى نۋمەرولوگيا ارقىلى ءىس جوسپارلاۋ, تىپتەن جەكە ومىرگە قاتىستى وزگەرىستەردى بولجاۋعا ءجيى جۇگىنەتىندەر قاتارى كوبەيۋدە. نۋمەرولوگيانى بىرقاتار زەرتتەۋشىلەر كونە عىلىمعا جاتقىزسا, ەندى بىرقاتارى ونىڭ جاعىمسىز جاقتارىن تىلگە تيەك ەتەدى. جالپى, بيىل قازاقستاندىقتاردىڭ ومىرىنە سانداردىڭ اسەرى قانداي بولماق؟
– ءبىزدىڭ جىل ساناۋىمىز بويىنشا بيىل بارىس جىلى. بارىس – قازاقى ۇعىمدا كيەلى اڭ. بۇل جىلى ۇلكەن بەتبۇرىستار, كۆانتتىق سەرپىلىس پەن تۇرلەنۋ جىلى جالعاسىن تابادى. بارىس جىلىندا تۋعاندار تىنىمسىز بولعانىمەن, قاجىرلى, قايراتتى بولىپ كەلەدى. جىلدىڭ تابيعي بەلگىسى اعاش بولعاندىقتان, اعاشتاي مىعىم, يىلمەيتىن كۇش كەرەك. جىل قۋانىش پەن جاقسىلىققا تولى بولادى. كوپتەگەن جۇپتار وتباسىن قۇرىپ, باقىتتى نەكە قۇرادى. ادەمىلىك, مولشىلىق ۇعىمى دا وسى جىلعا ءتان. استرولوگيا بويىنشا قويۋ كوكشىل, قوڭىر, جاسىل تۇستەر تارتىمدى بولماق. ەكى جىل قاتارىنان الەم COVID-19 پاندەمياسىنىڭ زاردابىن شەكتى. سالدارىنان جاقىن ادامدارىمىزدان ايىرىلدىق. ءالى دە پاندەميانىڭ اسەرىنەن ارىلا قويعان جوقپىز. سوندىقتان دەنساۋلىققا مۇقيات بولۋ ماڭىزدى. اسىرەسە, ايەل ادامداردىڭ ءوز دەنساۋلىعىنا ساق بولعانى ءجون. وسى كۇردەلى كەزەڭدە ادامزات مەيىرىمدىلىككە, قايىرىمدىلىققا مۇقتاج ەكەنىنە كوز جەتكىزدى. بيىل رۋحاني دۇنيەمىزگە كوپ كوڭىل بولەتىن جىل. جاھاندانۋ – جاڭا مۇمكىندىكتەر كەزەڭى. ال ونىڭ جاڭالىقتارىن مەڭگەرۋ ءۇشىن ادامزات تا جاڭارىپ, ءوز باعدارىن دامىتىپ وتىرۋى زاڭدىلىق. بۇل – جاڭا داعدىلاردى مەڭگەرەتىن كەزەڭ.
– قازاق حالقى ساندارعا اسا ءمان بەرگەنى بەلگىلى. سانداردىڭ عاجايىپ ەرەكشەلىكتەرى, ماتەماتيكالىق ءمانى تۋرالى عالىمدار كوپتەگەن زەرتتەۋلەر جۇرگىزدى. بىراق نۋمەرولوگيانى كوپشىلىك تابىس تابۋعا نەگىزدەلگەن ءادىس رەتىندە عانا قابىلدايدى.
– نۋمەرولوگيانى كونە عىلىم دەسەك قاتەلەسپەيمىز. بۇگىندە نۋمەرولوگيانى دىنگە قايشى دەپ قابىلدايتىندار بار. ءابجاد ەسەبىنە سايكەس ەرتەدەگى عىلىمي تابيعي, ءدىني تۇسىنىكتەر بۇگىنگى عىلىم تۇرعىسىنان تەرەڭ زەرتتەلدى. ءار نارسەنىڭ ءوز ولشەمى بار ەكەنى انىقتالدى. ادامزات ءومىرىن ساندارسىز ەلەستەتۋ قيىن. 1-دەن 9-عا دەيىنگى ساندار كۇندەلىكتى تىرشىلىكتىڭ بارلىق سالاسىندا قولدانىلادى. ەجەلگى داۋىرلەردە دە ءارتۇرلى قۇبىلىستاردى ساندار ارقىلى سيپاتتاپ, ۋاقىتتى, كەڭىستىكتى انىقتاۋ ءۇشىن ەرەكشە مانگە يە بولعانىن بىلەمىز. مىسالى, كيەلى تۇركىستان 13 دەگەن سانعا يە. سوڭعى كەزدە «جومارت جۇما» دەگەندى ءجيى قولدانىپ ءجۇرمىز. جۇمانىڭ بۇلاي اتالۋىنىڭ دا وزىندىك ءمانى بار. وسى تۇستا ايتا كەتەتىن جايت, ادامنىڭ رۋحاني بولمىسىنىڭ ساندارمەن ۇيلەسىم تابۋى ماڭىزدى بولماق. ەگەر ادام رۋحاني كەمەلدەنسە, بىلىمگە كەڭىنەن جول اشىلادى. ادامنىڭ وسى ءبىر قيىن كەزەڭدە ءوزىن-ءوزى تانۋى ماڭىزدى. ءبىلىم الۋ, دەنساۋلىعىن جاقسارتۋ, جاقسى داعدىلارعا ماشىقتانۋ ۋاقىت تالابى. جاراتۋشى ادامزات بالاسىنا قانداي قيىندىق جۇكتەمەسىن, سونى سانالى تۇردە قابىلداي ءبىلىپ, ارى قاراي جاقسارۋدىڭ جولىن ىزدەۋ ەڭبەكتى, جاۋاپكەرشىلىكتى تالاپ ەتەدى. ارقايسىمىز ءۇشىن رۋحاني جانە ماتەريالدىق ۇيلەسىم ماڭىزدى. ەكى دۇنيەنىڭ راحاتى ادامزات ءۇشىن مەيىرىمدىلىك, قايىرىمدىلىق ۇعىمدارىمەن عانا جاراسىم تابادى. مۇقتاجدارعا, جەتىمدەرگە, قارتتارعا كومەكتەسۋ – ءار ادامنىڭ وسى ومىردەگى باستى ميسسياسى.
– نۋمەرولوگيانى جاستايىڭىزدان زەرتتەي باستاعان ەكەنسىز. ونىڭ قىر-سىرىن مەڭگەرۋ ءۇشىن قانداي تالاپتار قاجەت؟
– مەن مەكتەپتە وقىپ جۇرگەنىمدە ساندار ارقىلى كوپ نارسەنى بولجاي الاتىن بولدىم. بالا جاستان دارىگەر بولۋدى ارماندادىم. ءبىر جىلداي وسى سالادا ءبىلىم الىپ, كەيىننەن وتباسى جاعدايىمەن وقۋدى جالعاستىرمادىم. جيىرما جاسىمنان باستاپ, اسىرەسە كىشكەنتاي بالالارداعى كوز تيگەندى ەمدەي باستادىم. كەيىننەن نۋمەرولوگيانى تەرەڭدەتە وقىپ, زەرتتەۋ وتە قىزىقتى بولدى. عارىش پەن جەر كەڭىستىگى اراسىنداعى تىعىز بايلانىس ماعان ەرەكشە ءبىر ەنەرگيا تارتۋ ەتكەندەي اسەر ەتتى. وسىلايشا, ادامدارعا كومەكتەسۋ ومىرلىك ۇستانىمىما اينالدى.
– ءسىزدىڭ ءۇندىستاندا, الەمنىڭ ەڭ جۇمباق ولكەسى بولىپ تابىلاتىن تيبەتتە ءبىلىم العانىڭىزدان حاباردارمىز. تەتا-حيلينگ تەحنيكاسىن مەڭگەرۋدىڭ ەرەكشەلىگى تۋرالى ءجيى ايتىپ ءجۇرسىز. بۇل ادىسپەن ەمدەۋدىڭ قانداي پايداسى بار؟
– جالپى, بۇل باعىتتاعى القاشقى ءبىلىمىمدى ەلىمىزدە باستاپ, ءۇندىستاندا جالعاستىردىم. تەتا-حيلينگتى ماسكەۋدە مەڭگەردىم, ال تيبەتتە «رەيكي» ەنەرگەتيكالىق كۇش پەن سانداردىڭ ادام ومىرىنە اسەرى تۋرالى ءبىلىمدى جەتىلدىردىم. تيبەتتە ءتۇرلى اۋرۋلاردى ەمدەۋ تەحنيكاسىنىڭ 4 كەزەڭىنەن ءوتتىم. «رەيكي-ەم» مەديتسينانىڭ بالاما ءتۇرى, مۇندا الاقان ارقىلى قاشىقتىقتا تۇرىپ ەمدەۋ ءادىسى قولدانىلادى. ەنەرگيانى دۇرىس باعىتتاۋعا, دەنساۋلىقتى جاقسارتىپ, مول قارجى تابۋعا ىقپال ەتەدى. ومىرلىك ەنەرگياسى از ادامدارعا پايداسى زور. كەز كەلگەن ادام ومىرىندە ءساتتى جانە ءساتسىز كەزەڭدەردى باستان كەشىرەدى. تەتا-حيلينگ كومەگىمەن ومىردەگى ساتسىزدىكتەردىڭ سەبەبىن انىقتاۋعا بولادى. ادامداردى ءبىر-بىرىنە جاقىنداتىپ, دەنساۋلىعىن جاقسارتىپ, تابىس تابۋعا ىنتالاندىراتىن تەتا-حيلينگ تەحنيكاسىنىڭ مامانى ۆياننا ءستيبلدىڭ شاكىرتىنەن ساباق الدىم. بۇل ادامدى ساۋىقتىرۋدىڭ جانە ونىڭ ومىرلىك ەنەرگياسىن بەلسەندىرۋدىڭ ەرەكشە ءادىسى.
– ال بيزنەستى دامىتۋعا سانداردىڭ قانداي اسەرى بار؟ كاسىپ تابىستى بولۋى ءۇشىن قانداي ەسەپتەرگە جۇگىنگەن ءجون؟
– نۋمەرولوگيادا ينۆەستيتسيا سالۋدى, قونىس اۋدارۋ جانە بيزنەستى قانداي ورىندا باستاۋعا بولاتىنىن انىقتاۋعا بولادى. ءار ادامنىڭ ساتتىلىك ساندارى بار. وسى تۇستا تاعى دا ايتا كەتەتىن ماسەلە, قايىرىمدىلىق جاساۋ ارقىلى ادام ءوز ومىرىندەگى جاعىمسىز كەزەڭدەردەن ارىلا الادى. بۇل ءبىر كۇنگى اكتسيا ەمەس, ءومىر بويى جالعاسىپ وتىراتىن يگى ءىس. بيىلعى جىل جۇپ سانداردان تۇراتىندىقتان, جۇپ بولىپ جۇمىس ىستەگەن ءتيىمدى. كەز كەلگەن ادام بويداعى مۇمكىنشىلىگىن تۇساپ تاستاماي, ۇلكەن تابىسقا جەتۋ مۇمكىندىگىنە يە. مەن نەگىزىنەن پيفاگور ماتريتساسى ارقىلى كلاسسيكالىق نۋمەرولوگيا بويىنشا كەڭەس بەرىپ كەلەمىن. بيزنەس باستاپ, دامىتۋ ءۇشىن ول ادامنىڭ ىشكى كودىمەن ەرەكشە ۇيلەسىم تابۋى قاجەت. كەڭەس سۇراپ كەلگەندەرگە دۇرىس جوسپار تۇزۋگە بايلانىستى ءجون سىلتەيمىن. قازاقتا «جەتى رەت ولشەپ, ءبىر رەت كەس» دەگەن ۇعىم بار. ال قازاقى ۇعىمداعى كەز كەلگەن تىركەستىڭ فيلوسوفيالىق ءمانى تەرەڭدە جاتىر. سوندىقتان ءار ادام ءوز ومىرىنە جاۋاپتى بولا وتىرىپ, دەنساۋلىعىنا, ىستەگەن ىسىنە بايىپپەن قاراپ, بارىستاي ساق قيمىلداپ, جوسپارلى قادام جاساي بىلسە, ءومىرىنىڭ جاقسارا تۇسەتىنى انىق.
– اڭگىمەڭىزگە راحمەت.
