ۆەدومستۆو مالىمەتىنشە, قىلمىستىق توپتىڭ 27-جاستاعى ەكى مۇشەسى دە بۇرىن سوتتالعان, ەكەۋى دە - تۇركىستان وبلىسىنىڭ تۋمالارى.
«سوتالدى تەرگەۋ امالدارى بارىسىندا بەلگىلى بولعانداي, كۇدىكتى ازاماتتار جاڭا جىل مەرەكەسى قارساڭىندا ءۇندىستان ەلىنىڭ ازاماتىن توناپ, لوتو كلۋبقا قاراقشىلىق شابۋىل جاساعان. ەكى جاعدايدا دا ولار تراۆماتيكالىق تاپانشا پايدالانعان. شەتەل ازاماتىنىڭ ۇيالى تەلەفونى مەن اقشاسىن تارتىپ العان, كەيىن لوتو كلۋب كاسساسىنان 2 ميلليون تەڭگە كولەمىندە قاراجاتتى قولدى ەتكەن. قاراقشىلىق شابۋىل كەزىندە اتالعان مەكەمەنىڭ كۇزەتشىسى جارالانعان», دەدى الماتى قالاسى پوليتسيا دەپارتامەنتىنىڭ كريمينالدىق پوليتسيا باسقارماسىنىڭ باستىعى پوليتسيا پودپولكوۆنيگى قۋاتبەك ناۋاتوۆ.
ونىڭ ايتۋىنشا, اتالعان اۋىر قىلمىستاردى اشۋ ءۇشىن ارنايى جەدەل تەرگەۋ توبى قۇرىلىپ, ناتيجەسىندە جەدەل ۋاكىلدەر كۇدىكتىلەردى نۇر-سۇلتان قالاسىندا قولعا تۇسىرگەن.
«كەيىن كۇدىكتىلەر بۇعان دەيىن الماتى وبلىسى, قاراساي اۋدانى اۋماعىندا ورنالاسقان لوتو كلۋبقا دا شابۋىل جاساعانى انىقتالادى. قازىرگى تاڭدا ۇستالعاندار وزگە دە قىلمىستارعا قاتىسى بار-جوعى انىقتالىپ جاتىر», دەدى قۋاتبەك ناۋاتوۆ.
