ءبىر جىلدىڭ ىشىندە قالا ومىرىنە قاتىستى 5 مىڭنان استام اقپارات دايارلانىپ, بۇقاراعا جەتكىزىلدى.
«شاھار باسشىسىنىڭ جۇمىس ساپارلارىنان رەپورتاجدار شىعارىپ, باسقارما باسشىلارىمەن جانە اۋدان اكىمدەرىمەن تىكەلەي ەفيرلەر جۇرگىزىلدى. كۇن تارتىبىنە اينالعان ماسەلەلەر بويىنشا اقپاراتتىق گرافيكالار جاريالادى», دەپ جازدى شىمكەنت قالاسى اكىمىنىڭ ءباسپاسوز حاتشىسى بەكەن قونىس ءوزىنىڭ Facebook پاراقشاسىندا.
وسىلايشا, شىمكەنت باسشىسىنىڭ ءباسپاسوز قىزمەتى مەگاپوليستىڭ جاڭا ءداۋىرىن جازىپ كەلەدى.
«وسى ساتتە, «جۇمىلا كوتەرگەن جۇك جەڭىل» دەگەندەي, ۇجىمىما العىس ايتا وتىرىپ, الداعى بارىس جىلى دا بۇگىنگى بيىگىمىزدەن تۇسپەي, بارشاڭىزدىڭ قولداۋلارىڭىزبەن العا ۇمتىلامىز دەگەن سەنىمدەمىن. شىمكەنت جايلى جاعىمدى حابارلار كوپ بولسىن!», دەپ قوستى بەكەن قونىس.
