رەسپۋبليكالىق جانە جەرگىلىكتى ماڭىزى بار اۆتوجولداردىڭ 10 مىڭ شاقىرىمى قۇرىلىس, رەكونسترۋكتسيا جانە جوندەۋ جۇمىستارىمەن قامتىلدى. ونىڭ 3,6 مىڭى رەسپۋبليكالىق ماڭىزى بار جولدار. اتاپ ايتقاندا, تالدىقورعان – وسكەمەن, قاراعاندى – بالقاش – بۋرىلبايتال – كۇرتى – قاپشاعاي, اقتوبە – اتىراۋ – استراحان, قالباتاۋ – مايقاپشاعاي, ءۇشارال – دوستىق, ۇزىناعاش – وتار, مەركى – بۋرىلبايتال, قوستاناي – دەنيسوۆكا جولدارى.
قۇرىلىس ماۋسىمىنا جولدارداعى جوبالارعا 200 مىڭداي ادام جانە 12 مىڭعا تارتا جول-قۇرىلىس تەحنيكاسى جۇمىلدىرىلدى. جىل قورىتىندىسىندا جولداردىڭ ساپاسىن ارتتىرا وتىرىپ, I جانە II ساناتتاعى 2 248 شاقىرىم اۆتوجول پايدالانۋعا بەرىلدى. جاقىن ماڭداعى 120 ەلدى مەكەندى قامتىعان سەنىمدى كولىك قاتىناسى قامتاماسىز ەتىلدى. ءىرى ەلدى مەكەندەر جانىندا 6 اينالما جولى سالىنىپ, كولىك جانە ترانزيتتىك تاسىمالدار كولەمى 2,5 ەسە ارتتى. بۇل رەتتە جول قۇرىلىسىنداعى قازاقستاندىق قامتۋ 90%-دان استى.
جول بويىنداعى سەرۆيستى دامىتۋ ءۇشىن ءتيىستى قىزمەتتەردى تولىق قامتيتىن 71 كەشەن ىسكە قوسىلدى. ولار: كەمپينگتەر, موتەلدەر, جانارماي قۇيۋ ستانسالارى, تەحنيكالىق قىزمەت كورسەتۋ ستانسالارى, تاماقتاناتىن ساۋدا ورىندارى جانە ت.ب.
