«2022 جىلى كسرو حالىق ءارتىسى, قازاقستاننىڭ حالىق قاھارمانى, كەڭەستىك, قازاق وپەرا جانە ەسترادا ءانشىسى روزا باعلانوۆاعا 100 جىل تولادى. وسىعان وراي, نومينالى 100 تەڭگەلىك مەلحيوردان جاسالعان مونەتالار «اسا كورنەكتى وقيعالار مەن ادامدار» سەرياسىن جالعاستىرادى», دەپ جازدى قر ۇلتتىق بانكىنىڭ ءباسپاسوز قىزمەتى.
مونەتالاردىڭ اۆەرسىندەگى ورتالىق بولىگىندە قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن. ەلتاڭبانىڭ سول جانە وڭ جاعىندا ۇلتتىق ويۋ-ورنەك ەلەمەنتتەرى ورنالاسقان. اينالدىرا QAZAQSTAN ULTTYQ BANKI • NATIONAL BANK OF KAZAKHSTAN دەگەن جازۋ بار. تومەنگى بولىگىندە مونەتانىڭ نومينالىن بىلدىرەتىن 100 TEŃGE جازۋى بار.
مونەتانىڭ رەۆەرسىندە روزا باعلانوۆانىڭ پورترەتتىك بەينەسى, پورترەتتىڭ سول جاعىندا مەرەيتويلىق كۇندى بىلدىرەتىن 100 JYL دەگەن جازۋ ورنالاسقان. مونەتانىڭ اينالدىرا جاعىندا «اح, سامارا-گورودوك» تۋىندىسىنا نوتا, ROZA BAǴLANOVA جازۋى, دايىندالعان جىلىن بىلدىرەتىن «2022» جازۋى ورنالاستىرىلعان.
كوللەكتسيالىق مونەتالاردىڭ سالماعى 15 گرامم, ديامەترى 33 مم, ساپاسى brilliant uncirculated, نومينالى 100 تەڭگە, تارالىمى 15 000 دانا مەلحيور من 25 قورىتپاسىنان دايىندالعان.
«مونەتالار كوللەكتسيالىق قۇنى بويىنشا ساتۋعا ارنالعان. ولار قازاقستان رەسپۋبليكاسىنىڭ بۇكىل اۋماعىندا تولەمدەردىڭ بارلىق تۇرلەرى بويىنشا, سونداي-اق بانك شوتتارىنا ەسەپتەۋ ءۇشىن, قازاقستان رەسپۋبليكاسىنىڭ بارلىق بانكتەرىندە اۋدارۋ, ءبولۋ جانە ايىرباستاۋ ءۇشىن وزدەرىنىڭ بەلگىلەنگەن قۇنى بويىنشا قابىلداۋعا مىندەتتى», دەپ قوستى قر ۇلتتىق بانكىنىڭ ءباسپاسوز قىزمەتى.
مونەتالاردى ساتۋ كۇنى تۋرالى اقپارات قۇب رەسمي سايتىندا ورنالاستىرىلادى.
