«جاس سارباز» بالالار-جاسوسپىرىمدەر اسكەري-پاتريوتتىق قوزعالىسى» رقب استانالىق فيليالىنىڭ «باقىتتى بالالىق شاق» اكتسياسى نۇر-سۇلتان قالاسى اكىمدىگىنىڭ جاستار ساياساتى ماسەلەلەرى باسقارماسىنىڭ, قر قك ۇلتتىق اسكەري-پاتريوتتىق ورتالىعىنىڭ جانە Magnum Cash&Carry ساۋدا ورتالىعىنىڭ قولداۋىمەن ءوتتى.
«مەيىرىم ءبىزدىڭ جۇرەگىمىزدە, ول ءبىزدى ىلعي دا ۇلكەن ىستەرگە جەتەلەيدى. بالالاردى قورعاۋ جانە مەرەكەلىك كوڭىل-كۇي سىيلاۋ كەرەكتىگىن ەسكەرە وتىرىپ, نۇر-سۇلتان قالالىق فيليالىنىڭ «جاس سارباز» بالالار-جاسوسپىرىمدەر اسكەري-پاتريوتتىق قوزعالىسى اياز اتا جانە اقشاقارمەن بىرگە بالالار ءۇيىنىڭ تاربيەلەنۋشىلەرىنە جاڭا جىلدىق سىيلىقتار سىيلادى. ءىس-شاراعا قورعانىس مينيسترلىگى مەن نۇر-سۇلتان قالاسى اكىمدىگىنىڭ وكىلدەرى قاتىستى», دەدى نۇر-سۇلتان قالاسىنىڭ جاستار ساياساتى ماسەلەلەرى ءبولىمىنىڭ باسشىسى اقۇلان تاستەمىر.
«جاس سارباز» بالالار-جاسوسپىرىمدەر اسكەري-پاتريوتتىق قوزعالىسى» رقب استانالىق فيليالىنىڭ توراعاسى اسحات نالشىبەك جاستاردى تاربيەلەۋدىڭ ماڭىزدىلىعىنا توقتالىپ ءوتتى. «قازاق حالقى وسكەلەڭ ۇرپاققا مۇرا بولىپ قالاتىن يگى قاسيەتتەردى تاربيەلەۋگە ۇمتىلادى. جاس ۇرپاقتى تاربيەلەۋدىڭ ماڭىزدىلىعىن قازاق حالقى ەرتە ءتۇسىندى. وسىعان بايلانىستى, بۇگىن ءبىز بالالار ءۇيىنىڭ 61 بالاسىن كەلە جاتقان جاڭا جىلمەن قۇتتىقتاپ, جاقسى كوڭىل كۇي سىيلادىق. وسىعان بايلانىستى Magnum Cash&Carry ساۋدا ورتالىعىنىڭ باسشىلىعىنا كورسەتكەن قولداۋى ءۇشىن العىسىمدى بىلدىرەمىن», دەپ اتاپ ءوتتى ول.
