ءىرى وندىرىستىك جانە ونەركاسىپتىك بيزنەس جوبالارعا ارنالعان اۋماق – «الماتى» يندۋستريالدى ايماعى» جشس ديرەكتورى ءادىل امرالين يندۋستريالىق ايماقتىڭ بيىلعى قىزمەتىنىڭ قورىتىندىلارى تۋرالى اتاپ ءوتىپ, تاۋەلسىزدىكتىڭ 30 جىلدىعىنا وراي ەڭ ءىرى ونەركاسىپتىك نىسان – ۇلكەن ديامەترلى دانەكەرلەنگەن بولات قۇبىرلار شىعاراتىن «Asia Steel Pipe Corporation» جشس زاۋىتى ىسكە قوسىلعاندىعىن جەتكىزدى.
كاسىپورىننىڭ ءونىمى مۇناي, گاز, سۋ, مۇناي ونىمدەرىن تاسىمالداۋعا ارنالعان جانە ونى تاۋ-كەن, قۇرىلىس, حيميا ونەركاسىبىندە, ەنەرگەتيكادا پايدالانۋعا بولادى. سونداي-اق كورروزياعا قارسى جابىندىلار ءوندىرىسى جولعا قويىلىپ, جوبالىق قۋاتى جىلىنا 100 مىڭ توننا قۇبىر ونىمدەرىن قۇرايدى. زاۋىتتا 300-دەن استام تۇراقتى جۇمىس ورنى بار.
جىل سوڭىنا دەيىن يندۋستريالىق ايماقتا «قاز-ديا-تەست» جشس مەديتسينالىق دياگنوستيكالىق تەست-جۇيەلەرىن شىعاراتىن زاۋىت اشۋ جوسپارلانۋدا. كومپانيا ينفەكتسيالىق جانە ونكولوگيالىق اۋرۋلارعا جەدەل تەست جۇرگىزۋدى, قورەكتىك ورتالاردىڭ العاشقى وتاندىق, سەريالىق ونەركاسىپتىك ءوندىرىسىن دامىتۋدى جوسپارلاپ وتىر.
ءا.ءامراليننىڭ مالىمەتىنشە, يندۋستريالىق ايماقتا ىسكە قوسىلعان 7 جوبانىڭ جالپى قۇنى 48 ملرد تەڭگەدەن اسادى. مۇندا 700-دەن استام جۇمىس ورنى اشىلعان. تاياۋ كۇندەرى قوسىمشا 65 جۇمىس ورنى اشىلىپ, جالپى سوماسى 4,6 ملرد تەڭگەنى قۇرايتىن جاڭا جوبا ىسكە قوسىلاتىن بولادى. وسى جىلدىڭ اقپان ايىندا قۇنى 11,3 ملرد تەڭگەدەن اساتىن مىس جانە اليۋميني سوزبا سىم شىعاراتىن ەۋرازيالىق مەتاللۋرگيا زاۋىتى («KMK Investment» جشس) العاشقىلاردىڭ ءبىرى بولىپ اشىلدى. كاسىپورىندا قوسىمشا 80 جۇمىس ورنى اشىلىپ, وندىرىستىك قۋاتى جىلىنا 25 مىڭ توننا ءونىمدى قۇرايدى. ەۋرازيالىق ەنەرگوكومبينات بىرنەشە ءوندىرىستى قامتيدى. ءبىرىنشى كەزەڭدە 2018 جىلدىڭ قىركۇيەگىندە ينۆەستيتسيالىق كومپانيا ءوندىرىس قۋاتتىلىعى جىلىنا 100 مىڭ كم كابەلدەن اساتىن «ەۆرازكابەل» كابەلدىك-وتكىزگىش ونىمدەرىن شىعاراتىن زاۋىتتى ىسكە قوسقان بولاتىن. كەيىنگى جىلدارى ينۆەستيتسيالىق كومپانيا الماتى يندۋستريالىق ايماعىندا پوليەتيلەندەر مەن پروپيلەندەر, قورىتپالاردان جاسالعان اسا جەڭىل كابەلدىك ناۋالار ءوندىرىسىن جولعا قويعان. سونىمەن قاتار يننوۆاتسيا بويىنشا عىلىمي-زەرتتەۋ ينستيتۋتىن اشۋدى جوسپارلاپ وتىر.
يندۋستريالدى ايماقتا استانا كۇنىنە وراي اشىلعان اۆتوكلاۆتى گازوبەتون وندىرەتىن ەكى كاسىپورىن – «سك راحات» جشس جانە «گ.س.گ. ۆىسوتنيك» جشس قازىرگى ۋاقىتتا الەۋمەتتىك جانە كوممەرتسيالىق تۇرعىن ۇيلەر الاڭدارىن ساپالى قۇرىلىس ماتەريالدارىمەن قامتاماسىز ەتىپ كەلەدى. «سك راحات» جشس ءوندىرىسىنىڭ ءبىرىنشى كەزەڭىنىڭ قۇرىلىسىنا 1,5 ملرد تەڭگە ينۆەستيتسيا سالىنسا, وندا جىلىنا 180 مىڭ تەكشە مەتر ءونىم شىعارۋ جوسپارلانىپ وتىر. مۇندا جاڭادان 40 جاڭا جۇمىس ورنى اشىلعان. «گ.س.گ. ۆىسوتنيك» جشس ينۆەستيتسيا سوماسى 1,4 ملرد تەڭگەنى قۇرايدى. اشىلعان جۇمىس ورىندارىنىڭ سانى – 85, مۇندا جىلىنا 100-120 مىڭ تەكشە مەتردەن استام ءونىم شىعادى.
ءا.امرالين سونىمەن بىرگە شاعىن جانە ورتا بيزنەستى جۇرگىزۋگە ارنالعان ەڭ ۇزدىك فورماتتاردىڭ ءبىرى – شاعىن وندىرىستىك پاركتەردى ىسكە اسىرۋ جونىندەگى جوبالار ەكەندىگىنە توقتالدى. «ولار يندۋستريالدى ايماقتا دا, الماتى قالاسىندا دا اشىلدى. بيىل الاتاۋ اۋدانىندا «Asia Prom Textile» جشس جانە يندۋستريالدى ايماقتا «ADS Industries» جشس ەكى وندىرىستىك پارك ىسكە قوسىلعان. ينۆەستيتسيا سوماسى 500 ملن تەڭگەدەن اسادى. ال اشىلعان جۇمىس ورىندارىنىڭ سانى – 170.
الداعى كۇندەرى قوسىمشا 3 ونەركاسىپتىك پارك ىسكە قوسۋ جوسپارلانىپ وتىر, ونىڭ ىشىندە يندۋستريالىق ايماق اۋماعىندا «ALAESTATE» جشس جانە «KazStroyTrade» جشس جانە تۇركسىب اۋدانىندا «CityBus» جشس, جالپى ينۆەستيتسيا سوماسى – 980 ملن تەڭگە. سونىمەن قاتار مۇندا 200-دەن استام جۇمىس ورنى اشىلادى. بۇگىندە الماتىنىڭ ونەركاسىپتىك پاركتەرىندەگى ءوندىرىس ورىندارىنىڭ جالپى الاڭى – 17 435 شارشى مەتر, ال ينۆەستيتسيالاردىڭ جالپى سوماسى 1,2 ملرد تەڭگەنى قۇرايدى.
الماتى
