پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن بيىلعى جىلى قازاقستان رەسپۋبليكاسىنىڭ اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆاك-تىڭ قورىتىندى وتىرىسى ءوتتى.
وتىرىس بارىسىندا ەلدەگى ەپيدەميولوگيالىق احۋال تۇراقتى, بىراق «وميكرون» ءبىر اي ىشىندە الەمنىڭ 110 ەلىندە انىقتالعانى ايتىلدى. ددۇ مالىمەتتەرى بويىنشا ونىڭ تارالۋ جىلدامدىعى «دەلتا» نۇسقاسىنان بەس ەسە جوعارى.
«سوندىقتان دەنساۋلىق ساقتاۋ مينيسترلىگىنىڭ قوسىمشا شارالار قابىلداۋ جونىندەگى ۇسىنىسى ماقۇلداندى. اتاپ ايتقاندا, 5 قاڭتاردان باستاپ سوو-عا, ساۋدا ۇيلەرى مەن كاراوكەگە «جاسىل» مارتەبەسى بار ادامدارعا عانا كىرۋگە رۇقسات ەتىلەدى», دەپ جازادى Covid-19 تاراتپاۋ جونىندەگى ۆاك.
ۆاك اتاپ وتكەندەي, قازاقستان اۋماعىندا «وميكرون» انىقتالىپ, ەپيدجاعدايدىڭ ناشارلاۋى جاعدايىندا بانكتەرگە, قازپوشتا بولىمشەلەرىنە, حقكو-لارعا, سپورتتىق-ساۋىقتىرۋ ورتالىقتارىنا, سپا-عا, باسسەيندەرگە جانە ت. ب. قاتىستى وسىنداي شارالار قابىلداناتىن بولادى.
ەرالى توعجانوۆ ەپيدەميولوگيالىق جاعدايدىڭ بولجامى حالىقتى ۆاكتسيناتسيامەن جانە رەۆاكتسيناتسيامەن قامتۋعا تىكەلەي بايلانىستى بولاتىنىن اتاپ ءوتتى.
