جۋرناليستەردىڭ جىلداعى جارىسى

جىل سايىن ال­ماتى­دا 8-9 مامىر كۇندەرى باق ارا­سىندا شاعىن فۋت­بول­دان بەلگىلى جازۋ­شى, سپورت جۋرناليس­تي­كاسىن­ىڭ كوش­باس­شى­سى سەيداحمەت بەر­­دىقۇلوۆتى ەسكە الۋعا ارنالعان تۋر­نيردىڭ وتەتىنى بەلگىلى. سەيداعاڭنىڭ تۋعان كۇنىن­دە جىلداعى ءداستۇر بويىنشا قولىنا قالام مەن ميكروفون ۇستاعان ارىپتەستەرىمىزدىڭ اراسىندا وتەتىن تۋرنير بيىل 15-ءشى مارتە جالاۋىن كوتەردى. بۇل تۋرنير جۋرناليستەردىڭ جىلىنا ءبىر رەت اسەم الماتى­نىڭ اشىق اسپانى استىندا دوپ تەۋىپ, كومان­دالارىنىڭ باعىن سىناپ كورۋ ءۇشىن اسىعا كۇتەتىن باسەكەسىنە اينالعانى جاسى­رىن ەمەس. ويتكەنى, كۇندەلىكتى ومىردە كوپ رەتتە قىزمەت بابى بويىنشا كەزدەسەتىن ارىپتەستەرىمىز ءۇشىن بۇل ءتۋرنيردىڭ جاسىل الاڭدا دوپ تەۋىپ قانا قويماي, ءبىر-بىرىمەن ەتەنە ارالاسۋ ءۇشىن دە ماڭىزى زور. سول كورىنىس بيىلعى باسەكەدە دە ءوز جالعاسىن تاپتى دەۋگە بولادى. وسى جىلعى تۋرنيرگە “قازاق گازەتتەرى” جشس قۇرامىنا كىرەتىن بىرنەشە باسىلىمنان تۇراتىن قۇراما كوماندا, “ەگەمەن قازاق­ستان” گازەتى, “قا­زاق­ستان” ۇلتتىق ارناسى, “حابار” تەلەارنا­سى سياقتى ۇجىمدار مەن باسقا دا گازەت-جۋرنالداردى قوسقاندا بارلىعى 15 كومان­دا قاتىسىپ, 2 كۇن بويعى كەزدەسۋلەر بارىسىندا ءبىر-بىرىمەن ەتەنە ارالاسىپ, قىزىقتى دا تارتىستى ويىن ورنەگىن كورسەتتى. ءتۋرنيردىڭ اشىلۋ سالتاناتىندا سەي­داعاڭ­­نىڭ ۇلى زاڭعار بەردىقۇل, “قازاق گازەتتەرى” جشس باس ديرەكتورى جۇمابەك كەنجالين, “جاس الاش” گازەتىنىڭ باس رە­داك­تورى رىسبەك سارسەنباي, “الاش اينا­سى” گازەتىنىڭ باس رەداكتورى سەرىك جان­بولات پەن باسقا دا باق باسشىلارى ءسوز سويلەپ, وسى ءتۋرنيردىڭ ءمان-ماڭىزى مەن سەيداعاڭنىڭ قازاق سپورت جۋرناليس­تي­كاسىنىڭ قالىپتاسۋىنا قوسقان قوماقتى ۇلەسى جونىندە ايتتى. وسىدان كەيىن ءسوز العان تۋريزم جانە سپورت مينيسترلىگى سپورت ىستەرى جونىندەگى كوميتەتى, شتاتتاعى ۇلتتىق كوماندالار جانە سپورت رەزەرۆى ديرەكتسياسىنىڭ باسشىسى قايرات جان­پەيىسوۆ پەن ونىڭ ورىنباسارى الەكسەي كريۋچكوۆ تا ءتۋرنيردىڭ ماڭىزدىلىعى ءجو­نىن­دە كەڭىرەك مالىمەت بەردى. جەرەبە تارتى­لىپ, ويىن باستالعان سوڭ, ءۇش توپقا بولىنگەن 15 كوماندا اراسىنداعى ءتۋرنيردىڭ ءبىرىنشى كۇنى ءار توپقا تۇسكەن 5 كوماندا ءوزارا كەزدەستى. مۇندا جەڭىلگەندەرى جارىستان شىقسا, ۇپاي سانى بويىنشا العاشقى ەكى ورىندى يەلەنگەن كوماندالار كەلەسى اينا­لىمعا جولداما الىپ جاتتى. ءسويتىپ, ءتۋرنيردىڭ ەكىنشى كۇنى “ەگەمەن قازاقستان” گازەتى, “قازاق گازەتتەرى” جشس, “حابار” مەن “جاس قازاق” كومانداسى, “الماتى تد”, “كتك-كاراۆان”, “قازاق­ستان” ۇلتتىق ارناسىنىڭ كومانداسى ەكى توپقا ءۇش كومان­دادان ءبولىنىپ, جارىستى جالعاستىرۋ ءمۇم­كىندىگىنە يە بولدى. بۇل سىندا ءوزارا كەز­دەسۋ­لەر بويىنشا ەڭ كوپ 11 ۇپاي جيناعان “قازاقستان” تەلەارناسىنىڭ كومانداسى ءبىرىنشى ورىندى, “حابار-جاس قازاق” كومانداسى ەكىنشى, ال ءۇشىنشى جۇلدەلى ورىندى “قازاق گازەتتەرى” جشس ۇجىمى يەلەندى. سونىمەن بىرگە, ءتۋرنيردىڭ سوڭىندا ۇيىمداستىرۋشىلار تاراپىنان مىنا ويىن­­شىلار جەكەلەگەن نوميناتسيا بويىن­شا ۇزدىكتەر قاتارىنان كورىندى. مۇندا ۇزدىك ويىنشى اتاعىنا شوقان ماقانوۆ (“قازاقستان” تەلەارناسى) يە بولسا, ۇزدىك قاقپاشى بولىپ ارشات ورازوۆ (“ەگەمەن قازاقستان” گازەتى) تانىلدى. ال ءتۋرنيردىڭ ەڭ ۇزدىك شابۋىلشىسى جاندوس ايتباي (“حابار” اگەنتتىگى), ۇزدىك تورەشى بولىپ باقىتجان نۇرپەيىسوۆ اتاندى. سونداي-اق, تۋريزم جانە سپورت مينيسترلىگى جىل سايىن سەيداحمەت بەردىقۇلوۆتى ەسكە الۋعا ارنال­عان ءتۋرنيردى وتكىزۋگە مۇرىندىق بولىپ كەلە جاتقان بەلگىلى ازاماتتار عازيزبەك ءتاشىم­باي مەن البەرت وزولدى, ۇشكد ديرەك­­تورى قايرات جانپەيىسوۆتى باسەكەنى ۇيىم­­داستىرۋعا زور ۇلەس قوسقانى ءۇشىن اتاۋ­­لى ديپلومدارمەن ماراپاتتاۋدى ۇمىتقان جوق. وسى جەردە بەلگىلى سپورت ءجۋرناليسى رابات جانىبەكوۆتىڭ دە تۋرنيرگە قوسىپ جۇرگەن ۇلەسىن اتاپ وتپەسكە بولمايدى. ال جاسىل الاڭدا ونەر كورسەتكەن ارىپتەستەرىمىزگە كەلەر بولساق, بيىلعى تۋرنيردە ءوز جۇمى­سىندا كاسىبي بىلىكتىلىگىمەن كورىنىپ جۇرگەن شارافاددين ءامىر, مۇحيتدين سالقىمباەۆ, جاراس سارسەك, سرايىل سمايىل, جاناربەك ءاشىمجان, ساتتار ەرنازاروۆ, عالىم سۇلەي­مەن, ەرجان بايتىلەس, تولەۋبەك قادىرمول­لا, شالقار ەستەن, ەرىك راحىم, اقىن وردا­باي ۇلى, امانگەلدى سەيىتحان, اسقار تۇراپ­باي ۇلى, قايرات مامىرباەۆ, ەسەي جەڭىس­ ۇلى سياقتى ارىپتەستەرىمىزدىڭ جاسىل الاڭدا دا ءوز ويىن ورنەگىمەن كوزگە تۇسكەندەرىن اتاپ وتكەنىمىز ءجون. داستان كەنجالين. الماتى.