«قۇرىلىس سالاسى - ەكونوميكانىڭ بەلسەندى دامىپ كەلە جاتقان سالالارىنىڭ ءبىرى. ول ەكونوميكانىڭ ارالاس سەكتورلارىن بىرىكتىرەدى, الەۋمەتتىك ماڭىزى زور جانە ەكونوميكالىق ءوسىمنىڭ لوكوموتيۆى. 2020 جىلدىڭ قورىتىندىسىندا ەلدىڭ جالپى ىشكى ونىمىندەگى قۇرىلىس سالاسىنىڭ ۇلەسى 6,1 پايىزدى قۇرادى. بولجامدى دەرەكتەر بويىنشا 2021 جىلدىڭ قورىتىندىسى بويىنشا 6,25 پايىز بولادى كۇتىلۋدە. بيىل 11 ايداعى قۇرىلىس جۇمىستارىنىڭ كولەمى 4,6 ترلن تەڭگە بولدى. بۇل - وتكەن جىلعىدان 6,2 پايىزعا جوعارى», دەدى ب.اتامقۇلوۆ ۇكىمەت وتىرىسىندا.
ونىڭ ايتۋىنشا, بۇگىنگى تاڭدا قۇرىلىس سالاسىندا 46 476 كاسىپورىن جۇمىس ىستەيدى. ونىڭ ىشىندە قۇرىلىس ماتەريالدارى وندىرىسىندە – 2 420 كاسىپورىن. 641 مىڭ قىزمەتكەر مەن مامان جۇمىسپەن قامتىلعان.
