سەناتورلار الداعى وتىرىستا «قازاقستان رەسپۋبليكاسى جوعارعى سوتىنىڭ سۋدياسى قىزمەتىنە سايلاۋ تۋرالى» ماسەلەنى قاراۋدى جوسپارلاپ وتىر.
كۇن تارتىبىنە «قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «مينەرالدىق تىڭايتقىشتار شىعارۋ زاۋىتىن سالۋ جانە پايدالانۋ» جوباسىن ىسكە اسىرۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى دا ەنگىزىلەتىن بولدى.
كەلىسىم اياسىندا جىل سايىن ءبىر ميلليون توننادان استام يندۋستريالىق ءونىم شىعاراتىن مينەرالدى تىڭايتقىش زاۋىتىن سالۋ جوسپارلانىپ وتىر. كاسىپورىندا كەمىندە 1200 جۇمىس ورنى اشىلاتىن بولادى. زاڭ جوباسىندا سونىمەن قاتار شەتەلدىك جۇمىسشىلاردى جالداۋ جانە تارتۋ, شەتەلدىك قىزمەتكەرلەرگە ۆيزامەن قولداۋ كورسەتۋ, جوبا ىسكە اساتىن اۋداندى دامىتۋداعى ىنتىماقتاستىق ماسەلەلەرى, سونداي-اق تاراپتار اراسىنداعى داۋلاردى رەتتەۋ ەرەجەلەرى جۇيەلەنەدى.
بيۋرو وتىرىسىندا سونىمەن قاتار ماجىلىستەن كەلىپ تۇسكەن «قازاقستان رەسپۋبليكاسى مەن رەسەي فەدەراتسياسى اراسىنداعى اسكەري ىنتىماقتاستىق تۋرالى شارتتى راتيفيكاتسيالاۋ تۋرالى» زاڭ جوباسى سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنە جۇمىسقا بەرىلدى.
