الەم • 27 جەلتوقسان, 2021

بوكسشىنى بالالارىنىڭ كوزىنشە اتىپ كەتتى

480 رەت

كورسەتىلدى

1 مين

وقۋ ءۇشىن

اۋىر سالماق دارەجەسىندە باق سىناپ جۇرگەن 30 جاستاعى امەريكالىق بوكسشى دەنني كەللي (10-3-1) روجدەستۆو قارساڭىندا جولداعى اتىس سالدارىنان قىزى مەن ءۇش بالاسىنىڭ كوزىنشە قازا تاپتى, دەپ حابارلايدى Egemen.kz BoxingScene-گە سىلتەمە جاساپ.

تابيعات مۇسىلمانقۇل

پوليتسيانىڭ مالىمەتىنشە, كەللي تۇستەن كەيىن بالالارىمەن جانە قىزىمەن مەرەكەلىك ءىس-شاراعا بارا جاتقان. ءبىر ساتتە كۇدىكتى ونىڭ كولىگىنىڭ جانىنا توقتاپ, وق جاۋدىرعان.

«قازىرگى ۋاقىتتا دەتەكتيۆتەر وقيعانىڭ سەبەپ-سالدارىن تولىققاندى زەردەلەپ جاتىر», دەلىنگەن جەرگىلىكتى قۇقىق قورعاۋ ورگاندارىنىڭ مالىمدەمەسىندە.

كەلليدىڭ دوسى مەن ونىڭ ءۇش بالاسى اتىس كەزىندە زارداپ شەكپەگەنى اتاپ ءوتىلدى.

كەللي نيك كيسنەردى ەكىنشى راۋندتا نوكاۋتقا جىبەرگەننەن كەيىن 2019 جىلدىڭ قازان ايىنان باستاپ رينگكە شىققان ەمەس.