ەلوردا • 27 جەلتوقسان، 2021

نۇر-سۇلتاندا سكانديناۆيالىق جۇرىستەن فەستيۆال ءوتتى

53 رەت كورسەتىلدى

بۇگىن ەلورداداعى شاڭعىروللەر تاس جولىندا «قولجەتىمدى سپورت» جوباسىنىڭ ءبىرىنشى ماۋسىمى سكانديناۆيالىق ءجۇرىس فەستيۆالىمەن جابىلدى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ. 

قازان، قاراشا جانە جەلتوقسان ارالىعىندا ەلوردا تۇرعىندارىنا تەگىن جاتتىعۋ ءۇشىن سپورتتىڭ 11 ءتۇرى ۇسىنىلدى. جوباعا جوعارى ساناتتى جاتتىقتىرۋشىلار، سپورت شەبەرلەرى، بىلىكتى نۇسقاۋشىلار قاتىستى.

«پرەزيدەنتىمىز قاسىم-جومارت توقاەۆ ءوز جولداۋىندا ايتىپ كەتكەندەي بۇقارالىق سپورتتى دامىتۋ ماقساتىندا نۇر-سۇلتان قالاسى اكىمدىگىنىڭ قولداۋىمەن جانە دەنە شىنىقتىرۋ جانە سپورت باسقارماسىنىڭ باستاماسىمەن «قولجەتىمدى سپورت» جوباسى قولعا الىنعان بولاتىن. قازان، قاراشا، جەلتوقسان ايلارىندا نۇر-سۇلتان قالاسىنىڭ بارلىق ساياباقتارىندا، سونىمەن قاتار قىسقى ۋاقىتتا قالانىڭ 40 اۋماعىندا 5000-نان استام ادام «قولجەتىمدى سپورت» جوباسى اياسىندا سپورتتىڭ 11 تۇرىمەن اينالىستى. بۇگىنگى سكانديناۆيالىق جۇگىرىسكە 200-گە جۋىق جاس جانە ارداگەر سپورتشى قاتىسىپ جاتىر»، دەدى قالادىق سپورتتىق-بۇقارالىق ءىس-شارالاردى وتكىزۋ ديرەكتسياسى باسشىسىنىڭ ورىنباسارى ەرجىگىت وسەرباي.

پ

ساباقتار قازان ايى بويى ەلوردانىڭ ساياباقتارى مەن الاڭدارىندا جۇرگىزىلىپ، كۇن سۋىتا باستاعان سوڭ بارلىق ساباقتار ەلوردانىڭ جاتتىعۋ ورتالىقتارىنا اۋىستىرىلدى. كەز كەلگەن قالا تۇرعىنى اپتاسىنا 3 رەت جاتتىعا الۋعا مۇمكىندىك الدى. جاتتىعۋلار اۋلا كلۋبتارىندا، سپورت ورتالىقتارىندا جانە سپورت سارايلارىندا، سونىڭ ىشىندە «QAZAQSTAN» جەڭىل اتلەتيكا ارەناسىندا، «تاۋەلسىزدىك» سارايىندا جانە «الاۋ» مۇز ايدىنىندا ءوتتى.

جوبا ەلوردا تۇرعىندارى اراسىندا تانىمال بولدى. جوباعا 3 ايدا 20 مىڭنان استام تۇرعىن قامتىلدى. نۇر-سۇلتان قالاسى اكىمدىگىنىڭ قولداۋىنىڭ ارقاسىندا ەلوردا تۇرعىندارى ءۇشىن بارلىق ساباقتار تەگىن وتكىزىلدى.

پ

«مەن زەينەتكەرمىن. وسى سكانديناۆيالىق جۇرىسكە قاتىسىپ جاتقانىما ءۇش اي بولدى. قالالىق اكىمدىككە، ءوزىمىزدىڭ ترەنەر گۇلزيپا قۇمىراعازىقىزىنا ۇلكەن العىس ايتامىز. بىزگە تاياقشانى تەگىن بەردى. كۇن سايىن جاتتىقتىرادى. بۇل - دەنساۋلىققا وتە پايدالى. قان اينالىمىنا جاقسى اسەر ەتەدى. العىسىمىز شەكسىز!»، دەدى قالا تۇرعىنى ەسگۇل قاليەۆا.

ەستەرىڭىزگە سالا كەتەيىك، مەملەكەت باسشىسىنىڭ قازاقستان حالقىنا جولداۋىندا بەرگەن تاپسىرمالارىن جۇزەگە اسىرۋعا سايكەس، ەلوردادا «قولجەتىمدى سپورت» جوباسى ىسكە قوسىلىپ، ونىڭ اياسىندا ەلوردا تۇرعىندارى سپورتتىڭ 11 ءتۇرى بويىنشا اشىق اۋادا، جابىق الاڭداردا جاتتىعۋلارعا قاتىسقان بولاتىن. بارلىق دەرلىك ساباقتار بىلىكتى جاتتىقتىرۋشىلارمەن تەگىن وتكىزىلدى.

اتالعان جوبا 2022 جىلى دا ءوز جۇمىسىن جالعاستىرادى دەپ جوسپارلانىپ وتىر.

پ

سوڭعى جاڭالىقتار

«نورۆەگ ورمانى» نەگە جازىلدى؟

ادەبيەت • بۇگىن، 22:30

ولكەتانۋشى

قازاقستان • بۇگىن، 22:21

كەبەنەك

تاريح • بۇگىن، 22:19

تۇركيا تىم ۇزاپ كەتتى

سپورت • بۇگىن، 22:12

ساۋكەلە

ونەر • بۇگىن، 21:57

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار