قىرعىز شەكاراشىلارىنىڭ مالىمەتى بويىنشا, سەنبىدە قىرعىزستاننىڭ دامبا مەن ماقسات اۋىلدارىنىڭ ماڭىنداعى شەكارادا تاجىكستاننىڭ اسكەري كۇشتەرى جينالىپ, شەكارا بەكەتتەرىنىڭ بىرىندە مينومەت ورناتقان. وسىدان كەيىن كوپ ۇزاماي ەكي-تاش ايماعىندا وق اتىلىپتى. تاجىكستان ازاماتتارى قاقتىعىستى توقتاتۋ ءۇشىن قىرعىز شەكاراشىلارىنىڭ كولىكتەرىنە تاس لاقتىرعان.
وقيعادان كەيىن قىرعىزستان مەن تاجىكستان شەكارا زاستاۆالارى باسشىلارى كەزدەستى. جاعدايدى تۇراقتاندىرۋ ماقساتىندا قوسىمشا شەكارا ناريادتارىن قويۋ شەشىمى قابىلداندى. تاجىك تاراپى بۇل وقيعاعا قاتىسى بار ادامداردى ىزدەستىرىپ جاتقانىن حابارلادى.
قازىر جاعداي سالىستىرمالى تۇردە تۇراقتى ەكەنى حابارلاندى. قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنە قاراستى شەكارا قىزمەتى اتالعان ايماقتاعى جاعدايدى ءوز باقىلاۋىنا العان.
