قازىرگى جاعداي مەن جۇرگىزىلىپ جاتقان جۇمىس تۋرالى ساۋدا جانە ينتەگراتسيا ۆيتسە-ءمينيسترى ەرجان قالدىباەۆ, ۇلتتىق بانك توراعاسىنىڭ ورىنباسارى اقىلجان بايماعامبەتوۆ, اۋىل شارۋاشىلىعى ءمينيسترى ەربول قاراشوكەەۆ, باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين, اقتوبە وبلىسىنىڭ اكىمى وڭداسىن ورازالين, قىزىلوردا وبلىسىنىڭ اكىمى گۇلشارا ابدىقالىقوۆا, سولتۇستىك قازاقستان وبلىسىنىڭ اكىمى قۇمار اقساقالوۆ, اقمولا وبلىسىنىڭ اكىمى ەرمەك مارجىقپاەۆ جانە ت. ب. باياندادى.
وتكەن اپتادا قازاقستاندا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى 0,2%-عا تومەندەدى. باعانىڭ ەڭ كوپ تومەندەۋى تۇركىستان وبلىسىندا جانە نۇر-سۇلتان قالاسىندا (-0,6%), جامبىل وبلىسىندا (-0,3%), شىمكەنت قالاسىندا (-0,2%) تىركەلدى.
تاۋارلار بولىنىسىندە رەسپۋبليكا بويىنشا ءسابىز (-2,2%), كارتوپ (-0,5%), پياز جانە روجكي (-0,4%), سيىر ەتى (-0,3%), كۇرىش (-0,2%), ءسۇت جانە قاراقۇمىق (-0,1%) باعاسىنىڭ تومەندەۋى بايقالادى. قالعان ونىمدەر بويىنشا باعالار تۇراقتى.
فورۆاردتىق ساتىپ الۋ قورىتىندىسى بويىنشا 2021 جىلى «ازىق-ت ۇلىك كەلىسىم شارت كورپوراتسياسى» ۇك» اق 572 مىڭ توننا استىق, ونىڭ ىشىندە 539 مىڭ توننا بيداي ساتىپ الدى. 2022 جىلدىڭ ءبىرىنشى جارتىجىلدىعىندا ىشكى نارىققا 475 مىڭ توننا بيداي جىبەرۋ جوسپارلانىپ وتىر.
قازىرگى ۋاقىتتا باسەكەلەستىكتى قورعاۋ جانە دامىتۋ اگەنتتىگى نارىق سۋبەكتىلەرىنىڭ اتىنا 114 حابارلاما جىبەردى, 16 تەرگەۋ جۇرگىزدى, مونوپولياعا قارسى زاڭنامانى بۇزۋشىلىقتاردى جويۋ تۋرالى 20 نۇسقاما, وندىرۋشىلەردىڭ باعانى كوتەرۋ مۇمكىندىگى تۋرالى جاريا مالىمدەمەسى ءۇشىن باسەكەلەستىكتى قورعاۋ سالاسىنداعى قر زاڭناماسىن بۇزۋعا جول بەرمەۋ تۋرالى 11 ەسكەرتۋ جاسادى, وندىرۋشىلەرمەن, كوتەرمە جەتكىزۋشىلەرمەن جانە ساۋدا جەلىلەرىمەن ساۋدا ۇستەمەسىن 15%-دان 10%-عا دەيىن تومەندەتۋ تۋرالى مونوپولياعا قارسى كومپلاەنستىڭ 199 اكتىسىن جاساستى. ساۋدا ۇستەمەسىن كوتەرۋدىڭ 75 فاكتىسى انىقتالدى.
پرەمەر-مينيستر ورتالىق مەملەكەتتىك جانە جەرگىلىكتى اتقارۋشى ورگاندارعا الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ جانە تومەندەتۋ بويىنشا جۇمىستى جالعاستىرۋدى تاپسىردى.
ۇكىمەت باسشىسى وڭىرلىك تۇراقتاندىرۋ قورلارىنداعى قورلاردى تولىقتىرۋ جانە «اينالىم سحەماسىن» قارجىلاندىرۋدى قامتاماسىز ەتۋ شارالارىن قابىلداۋدىڭ ماڭىزدىلىعىن اتاپ ءوتتى.
«باعانى تومەندەتۋ قارقىنىن ارتتىرۋ جانە مەرەكە الدىنداعى كەزەڭدە بارلىق قولدانىستاعى قۇرالداردى قولدانا وتىرىپ, بارىنشا باقىلاۋدى قامتاماسىز ەتۋ قاجەت. تاۋار ينتەرۆەنتسياسىن ۋاقىتىلى جۇرگىزۋ جانە كەلىسىمشارت جاسالعان كولەمدەردىڭ جەتكىزىلۋىن قامتاماسىز ەتۋ قاجەت. مەرەكە كۇندەرى تاۋارلاردىڭ جاساندى تاپشىلىعىنا جول بەرۋگە بولمايدى», دەدى ا. مامين.
