بوكس • 25 جەلتوقسان، 2021

قازاقستاندىق بوكسشىلار ماسكەۋدە جەڭىسكە جەتتى

106 رەت كورسەتىلدى

قازاقستاندىق بوكسشىلار بەك نۇرماعانبەت (6-0، 4 كو)، ەۆگەني پاۆلوۆ (6-0، 4 كو) جانە دانيلا سەمەنوۆ (5-0، 2 كو) ماسكەۋدەگى بوكس كەشىندە ونەر كورسەتىپ، جەڭىسكە جەتتى، دەپ حابارلايدى Egemen.kz.

بەك نۇرماعانبەت 42 جاستاعى كولۋمبيالىق حوسە ميگەل توررەسپەن (33-12، 27 كو) كەزدەستى جانە ونى العاشقى راۋندتا-اق نوكاۋتقا جىبەردى. ايتا كەتسەك، ب.نۇرماعانبەت سۋپەرورتا سالماقتا WBA International چەمپيونى.

ال اۋەسقوي بوكستا ازيا چەمپيوناتىنىڭ جەڭىمپازى اتانعان. ەۆگەني پاۆلوۆ ۆەنەسۋەلالىق بوكسشى ەديكسون پەرەسپەن (24-8، 18 كو) 8 راۋندتىق جەكپە-جەك وتكىزدى. كەزدەسۋ سوڭىنا دەيىن جالعاستى جانە تورەشىلەردىڭ ءبىراۋىزدى شەشىمىمەن ە.پاۆلوۆتىڭ پايداسىنا اياقتالدى.

ايتىپ وتەيىك، ەۆگەني دە ەكىنشى اسا جەڭىل سالماقتا WBA International تيتۋلىنا يە. بۇدان بولەك، تورەشىلەردىڭ ءبىراۋىزدى قولداۋىمەن سۋپەر اۋىر سالماقتاعى دانيلا سەمەنوۆ جەڭىسكە جەتتى. ول «پوكەمون» لاقاپ اتىمەن تانىمال ارگەنتينالىق پابلو فارياستان (32-6، 17 كو) ايلاسىن اسىردى.

قازاقستاندىق سپورتشى وپپونەنتتىڭ جەلكەسىنەن سوققى جاساعاندىقتان، تورەشىلەر ودان 1 بالدى شەگەردى. بىراق بۇل ونىڭ جەڭىسكە جەتۋىنە كەدەرگى بولمادى.



 

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار