24 جەلتوقسان كۇنى تۇندە ساعات 02:50-دە جامبىل اۋىلدىق وكرۋگىندە 112 كەزەكشى قىزمەتىنەن قوستاناي مەن سامير كەنتى اراسىنداعى تاس جولدا Volkswagen ماركالى جەڭىل اۆتوكولىك قار قۇرساۋىندا قالعانى تۋرالى حابارلاما كەلىپ ءتۇستى.
«كولىكتە ءتورت ادام بار, ونىڭ ەكەۋى بالا. وتباسى سامير اۋىلىنا بەت الدى, بىراق اۋا رايى سالدارىنان ولار قايتىپ ورالۋعا شەشىم قابىلداپ, جولدا قار قۇرساۋىندا قالدى. كومەككە قوستاناي جەدەل قۇتقارۋ جاساعىنىڭ قۇتقارۋشىلارى ترەكول جوعارى ءوتىمدى ماشيناسى جونەلتىلدى. كابەلدىڭ كومەگىمەن اۆتوكولىك تەگىس جولعا سۇيرەلدى. وتباسى مۇشەلەرى امان-ساۋ», دەپ حابارلادى ۆەدومستۆودان.
