نۇر-سۇلتاندا جەدەل ەستافەتا باستالدى, وندا اتا-اناسىنىڭ قامقورلىعىنسىز قالعان, از قامتىلعان جانە كوپ بالالى وتباسىلاردان شىققان, ەرەكشە ءبىلىم بەرۋ قاجەتتىلىكتەرى بار بالالارعا, سونداي-اق دارىندى, وقۋدا, سپورتتا, شىعارماشىلىقتا جانە قوعامدىق ومىردە جەتىستىككە جەتكەن بالالارعا پرەزيدەنت اتىنان جاڭا جىلدىق سىيلىقتار بەرىلدى.
ەستافەتانىڭ سالتاناتتى اشىلۋى ەرتەگى كەيىپكەرلەرى مەن جاڭا جىل سيمۆولى – بارىستىڭ شەرۋىمەن باستالىپ, «نۇرشاشۋ» ءانسامبلىنىڭ, «امانات» بالالار تەاترىنىڭ ۆوكالدىق ستۋدياسىنىڭ كونتسەرتتىك باعدارلاماسىمەن, سونداي-اق ونەرپازدار لازەرلىك شوۋدىڭ سۇيەمەلدەۋىمەن جاڭا جىلدىق بي بيلەدى.
بالالارعا سىيلىق رەتىندە كيىم ساتىپ الۋعا 100 مىڭ تەڭگەگە سەرتيفيكات, تاتتىلەر, ۇستەل ويىنى, كىتاپ, قۇتتىقتاۋ اشىقحاتى بەرىلدى.
«مەن وتە قۋانىشتىمىن. ءوزىم ءتورت بالانى تاربيەلەپ وتىرمىن. بۇل ءبىز ءۇشىن ۇلكەن سىيلىق. بالالاردىڭ قۋانىشىندا شەك جوق. ولار اياز اتا مەن اقشاقار كەلىپ, بالالاردى قۇتتىقتايدى دەپ ۇزاق كۇتتى. وسىنداي اكتسيالارعا وتە ريزامىن, ويتكەنى بارلىق بالالار جاڭا جىلدىق عاجايىپتى كۇتۋدە», دەدى استانالىق ءتورت بالانىڭ اناسى.
ءىس-شارا سانيتارلىق نورمالار مەن كارانتيندىك شەكتەۋلەردى قاتاڭ ساقتاي وتىرىپ ءوتتى. سونىمەن قاتار, بالالارعا سىيلىقتار جەتكىزەتىن ەكسپرەسس-ەستافەتاعا قاتىسۋشىلار COVID-19 ۆاكتسيناتسياسىنىڭ تولىق كۋرسىنان ءوتتى.
