ال, ASHYQ جوباسىمەن جۇمىس ىستەيتىن نىسانداردا سالتاناتتى, ەستەلىك, وتباسىلىق جانە باسقا دا بۇقارالىق ءىس-شارالاردى 100 ورىننان ارتىق ەمەس جانە 50%-دىق تولىمدىلىقپەن وتكىزۋگە رۇقسات بەرىلەدى.
تۇركىستان وبلىسىنىڭ باس سانيتار دارىگەرى نۇربەك نىشانوۆ جاڭا جىل قارساڭىندا وبلىس كولەمىندە كارانتين تالاپتارىن قاتاڭ ساقتاۋ قاجەتتىگىن ايتتى.
«نىسانداردا قاتاڭ ماسكالىق جانە دەزينفەكتسيالىق رەجيمدى قامتاماسىز ەتىپ, قىزمەتكەرلەر مەن كەلۋشىلەردىڭ قاۋىپسىز «جاسىل» مارتەبەسى بولۋىن قاداعالاۋ كەرەك. مەكتەپكە دەيىنگى جانە ورتا ءبىلىم بەرۋ ۇيىمدارىندا, كوللەدجدەر مەن جوعارعى وقۋ ورىندارىندا ءىس-شارالار وتكىزۋگە تىيىم سالىنعان. تەك جەكەلەنگەن سىنىپتار مەن توپتاردا ءىس-شارالاردى وتكىزۋگە رۇقسات ەتىلەدى. بىراق اتا-انالاردىڭ قاتىسۋىنا تىيىم سالىنادى», دەدى نۇربەك سادىقبەك ۇلى.
ايتا كەتەيىك, جاڭا وقۋ جىلى باستالعالى 329 بالا مەكتەپتە كوروناۆيرۋس ينفەكتسياسىن جۇقتىرعان.
