«بۇگىن 70 جاسقا تولعان مەرەيتويىڭىزبەن شىن جۇرەكتەن قۇتتىقتايمىن! ء سىزدىڭ ۇلتتىق جۋرناليستيكانىڭ كوشىن ورگە سۇيرەپ كەلە جاتقان قابىرعالى قالامگەر دەپ بىلەمىز. قالىڭ جۇرتشىلىق ءوزىڭىزدى قازاق ءباسپاسوزىنىڭ الىپتار شوعىرىمەن قىزمەتتەس بولعان, كوسەمسوزدىڭ قىرى مەن سىرىن بويىنا سىڭىرگەن كاسىبي جۋرناليست دەپ قۇرمەتتەيدى», دەدى مەملەكەت باسشىسى.
سونىمەن قاتار قاسىم-جومارت توقاەۆ ءوز قۇتتىقتاۋىندا بەلگىلى جۋرناليست جانبولات اۋپباەۆتىڭ ەڭبەك جولىندا «لەنينشىل جاس», «حالىق كەڭەسى», «اقيقات», «ەگەمەن قازاقستان» سياقتى ەلىمىزدەگى بەدەلدى باسىلىمداردا جەمىستى قىزمەت ەتكەنىن, كاسىبي جۋرناليست رەتىندە قازاق ءباسپاسوزىن دامىتۋ ءۇشىن ايانباي تەر توككەنىن اتاپ ءوتتى.
ء«سىزدىڭ قالامىڭىزدان شىققان زەرتتەۋ ەڭبەكتەرىڭىز, تانىمدىق, پۋبليتسيستيكالىق ماقالالارىڭىز بەن وچەركتەرىڭىز وقىرمان قاۋىمنىڭ ىقىلاسىنا بولەندى. ۇزاق جىل بويى «ەگەمەن قازاقستان» گازەتىنىڭ باس رەداكتورى قىزمەتىن ابىرويمەن اتقارىپ, قازاقستاننىڭ باس باسىلىمىنىڭ قازىرگى زامانعى ساي جاڭعىرۋىنا زور ەڭبەك ءسىڭىردىڭىز», دەدى مەملەكەت باسشىسى قاسىم-جومارت توقاەۆ.
