كونفەرەنتسيانىڭ اشىلۋىندا قاۋىمداستىقتىڭ باسقارما توراعاسى ا.سولوۆەۆا بۇل الاڭنىڭ بارلىق قاتىسۋشى ءۇشىن پايدالى بولاتىنىنا سەنىمدى ەكەنىن جەتكىزدى. «ويتكەنى ورنىقتى دامۋ ماقساتتارى ءبىلىم بەرۋ, دەنساۋلىق ساقتاۋ, الەۋمەتتىك قورعاۋ جانە جۇمىسقا ورنالاستىرۋ, سونداي-اق كليماتتىڭ وزگەرۋىمەن جانە قورشاعان ورتانى قورعاۋمەن كۇرەس سالاسىنداعى بىرقاتار ماسەلەنى شەشۋگە باعىتتالعان. ال ءبىزدىڭ قاۋىمداستىق ىسكە اسىرىپ جاتقان StopMusor جوباسى كوشەدەگى قوقىس سانىن ازايتۋ بويىنشا ەكولوگيالىق پروبلەمانى شەشۋگە ىقپال ەتەدى», دەپ اتاپ ءوتتى.
كونفەرەنتسيا جۇمىسىنا پارلامەنت ءماجىلىسىنىڭ دەپۋتاتى ە.اباقانوۆ, رف-داعى UN Global Compact كەڭسەسىنىڭ «جاھاندىق شارتتىڭ ۇلتتىق جەلىسى» قاۋىمداستىعىنىڭ دامۋ جونىندەگى ديرەكتورى ل.وۆچيننيكوۆا, ەۋرازيالىق ەكونوميكالىق كوميسسيانىڭ تەحنيكالىق رەتتەۋ جانە اككرەديتتەۋ دەپارتامەنتىنىڭ ديرەكتورى ت.نۇراشەۆ قاتىستى.
ت.نۇراشەۆ ءوزىنىڭ قۇتتىقتاۋ سوزىندە: «وداق ماقساتتارىنىڭ ءبىرى – قاتىسۋشى مەملەكەتتەردىڭ تۇرعىندارىنىڭ ءومىر ءسۇرۋ دەڭگەيىن ارتتىرۋ مۇددەسىندە ولاردىڭ ەكونوميكاسىن تۇراقتى دامىتۋ ءۇشىن جاعداي جاساۋ. بۇل ودم-مەن تىكەلەي بايلانىستى. ماقساتتاردى ىسكە اسىرۋ ءۇشىن قاتىسۋشى مەملەكەتتەر ەكونوميكانىڭ بەلگىلى ءبىر سالالارى بويىنشا ۇيلەستىرىلگەن, كەلىسىلگەن جانە بىرىڭعاي ساياسات جۇرگىزەدى جانە وداققا ءتيىستى قۇزىرەتتەر بەرىلەدى. تەحنيكالىق رەتتەۋ – وداقتىڭ بىرىڭعاي ساياساتى جۇزەگە اسىرىلاتىن ەكى باعىتتىڭ ءبىرى. بۇل ءونىمنىڭ قاۋىپسىزدىگىن قامتاماسىز ەتۋگە باعىتتالعان. تەحنيكالىق رەتتەۋ قۇرالدارى ارقىلى بولاشاققا قويىلاتىن تالاپتاردى ۇسىنىپ وتىرمىز, ياعني ءبىزدىڭ تۇتىنۋشىمىز قاۋىپسىز ورتادا ءومىر ءسۇرۋى ءۇشىن نە ىستەۋى كەرەك, سونىمەن قاتار ونىڭ تۇراقتى دامۋمەن تىكەلەي بايلانىستى نەعۇرلىم قولايلى ورتادا ءومىر ءسۇرۋى ءۇشىن نە ىستەۋى كەرەك دەگەن ساۋالدارعا جاۋاپ بەرۋ», دەدى.
كونفەرەنتسيانىڭ ءبىرىنشى كۇنى رەسەي, قىرعىزستان جانە قازاقستاننىڭ مەملەكەتتىك ورگاندارى, ءبىلىم بەرۋ مەكەمەلەرى, بيزنەس جانە ازاماتتىق قوعام وكىلدەرى №3 ودم «سالاماتتى ءومىر سالتىن قامتاماسىز ەتۋ»; №4 ودم «ساپالى ءبىلىم بەرۋ»; № 12 ودم «جاۋاپتى تۇتىنۋ جانە ءوندىرىس» ماسەلەلەرىن تالقىلادى.
بارلىق قاتىسۋشى ودم-عا ءتيىمدى قول جەتكىزۋ ءۇشىن ەاەو دەڭگەيىندە تۇراقتى ءوزارا ءىس-قيمىلدىڭ, تاجىريبە الماسۋدىڭ ماڭىزدىلىعى مەن قاجەتتىگىن اتاپ ءوتتى. ماسەلەن, 2020 جىلى بەكىتىلگەن ەاەو ينتەگراتسيا ستراتەگياسى شەڭبەرىندە ودم جاۋاپ بەرەتىن ستراتەگيالىق باعىتتاردىڭ ءبىرى رەتىندە تسيركۋليارلىق ەكونوميكانى ىسكە اسىرۋ مودەلى كوزدەلگەن.
ەكىنشى كۇنى بارلىق قاتىسۋشى, بەلسەندى مەن ۆولونتەر ءۇشىن تاجىريبەلى ترەنەرلەردى تارتا وتىرىپ: ء«ۇي جاعدايىندا قالدىقتاردى بولەك جيناۋ قاعيدالارىن ەنگىزۋ»; «الەۋمەتتىك جەلىلەر ءۇشىن بەينەكونتەنتتى قۇرۋ بويىنشا ماستەر-كلاسس – ۆيرۋستىق بەينەروليكتىڭ قۇپيالارى»; «نەتۆوركينگ بويىنشا ماستەر-كلاسس» جانە «كوشباسشىلىق قاسيەتتەردى دامىتۋ. كوپشىلىك الدىندا سويلەۋ داعدىلارى» اتتى تاقىرىپتاردا ونلاين-ترەنينگتەر وتكىزىلدى.
