ەلوردا • 23 جەلتوقسان، 2021

ەلوردادا جاڭا جىلدىق كەشتەرگە تىيىم سالىندى

72 رەت كورسەتىلدى

نۇر-سۇلتان كوروناۆيرۋستىڭ تارالۋ قارقىنى بويىنشا تاعى دا «سارى» ايماققا ءوتتى، دەپ حابارلايدى Egemen.kz.



15 جەلتوقساننان باستاپ ەلوردا ەپيدەميولوگيالىق جاعدايدى باعالاۋ ماتريتساسىنا سايكەس «جاسىل» ايماقتا بولدى. الايدا، بۇگىنگى تاڭدا كوروناۆيرۋستىڭ دامۋ قارقىنى بويىنشا Rt رەپرودۋكتيۆتى سانى-1،019 قۇرادى، سوعان سايكەس نۇر-سۇلتان قالاسى «سارى» ايماققا ءوتتى.

Rt رەپرودۋكتيۆتى كورسەتكىشى - ايماقتاردى انىقتاۋ كريتەريلەرىنىڭ ءبىرى. اپتالىق اۋرۋشاڭدىقتى سالىستىرا وتىرىپ، شامالى ءوسىم بايقالدى، سوندىقتان ءبىر اپتا ىشىندە COVID-19-دىڭ 564 جاعدايى تىركەلدى (الدىڭعى اپتا – 542 جاعداي). كوروناۆيرۋسپەن سىرقاتتانۋدىڭ قارقىندى كورسەتكىشى تيىسىنشە 47،5 جانە 45،6 قۇرادى، ياعني سىرقاتتانۋ كورسەتكىشى الدىڭعى اپتادان 4% جوعارى بولدى. بۇل Rt سانىنىڭ 1-دەن جوعارى وسۋىنە جانە «جاسىل» ايماقتان «سارىعا» ايماققا اۋىسۋىنا اكەپ سوقتى.

ءبىر تاۋلىك ىشىندە العاشقى زەرتحانالىق راستالعان 85 جاعداي تىركەلدى (سيمپتومدارى بار 58 جاعداي، 27 سيمپتومسىز جاعداي)، ءوسىم – 0،05%. اۋرۋدىڭ كوبەيۋىنىڭ نەگىزگى سەبەپتەرى - ادەتتەگىدەي مەرەكە كۇندەرى كەيبىر تۇرعىنداردىڭ كارانتين شەكتەۋلەرىن ساقتاماۋى. ياعني، ادام كوپ جينالاتىن جەرلەرگە بارۋىنان، بەتپەردە تاقپاي جۇرۋىنەن، ناۋقاستاردىڭ دا، جاقىن بايلانىستا بولعان ادامداردىڭ دا ءۇي كارانتينى رەجيمىن ساقتاماۋىنان بولدى.

تارالۋ قاۋپىن جانە ادەتتەگىدەي مەرەكە كۇندەرىنەن كەيىن كوروناۆيرۋستىڭ وڭ جاعدايلارىن تىركەۋ سانىنىڭ ارتۋىن ەسكەرە وتىرىپ، سىيىمدىلىعى 50% دەيىن، بىراق 70 ورىننان اسپايتىن، كەلۋشىلەر مەن ونداعى قىزمەتكەرلەردە تەك «جاسىل» مارتەبە بولاتىن «Ashyq» جوباسىنا قاتىساتىن وبەكتىلەردى ساناماعاندا، وتكىزىلەتىن جاپپاي ءىس-شارالارعا، ونىڭ ىشىندە وتباسىلىق، كورپوراتيۆتىك ءىس-شارالارعا تىيىم سالىنادى.

سونداي-اق، ءتۇرلى توپتار مەن ۇيىمدار بالالارىنىڭ قاتىسۋىمەن جالپىمەكتەپتىك جانە ۇجىمدىق تاڭەرتەنگىلىكتەردى ۇيىمداستىرۋعا جانە وتكىزۋگە تىيىم سالىنادى. الداعى مەرەكە كۇندەرى مونيتورينگ توپتارىنىڭ جۇمىسى كۇشەيتىلمەك.

ساۋدا جانە باسقا دا وبەكتىلەردىڭ يەلەرى كارانتيندى بۇزباۋعا، بارلىق سانيتارلىق نورمالاردى ساقتاۋعا ءتيىس.

نۇر-سۇلتان قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى وتكەن مەرەكە كۇندەرى حالىقتىڭ باسىم كوپشىلىگى كارانتيندىك شارالاردى ساقتاعان جاعدايدا، ەلوردانىڭ «سارى» ايماققا وتۋىنە جول بەرمەۋگە بولاتىنىن حابارلايدى. الايدا، ءبارى بىردەي جاۋاپكەرشىلىك تانىتا قويمادى، وسىلايشا ەلوردانىڭ ۇزاق 7 اي بويى (10 ناۋرىزدان 26 قازانعا دەيىن) تۇرعان «قىزىل» ايماققا جاقىنداۋ قاۋپىن ارتتىردى.

«الداعى جاڭاجىلدىق مەرەكەلەر ەپيدەميولوگيالىق جاعدايدىڭ ناشارلاۋىنا جانە كوروناۆيرۋس ينفەكتسياسىنىڭ كوبەيۋىنە اكەلمەۋى كەرەك ەكەنىن ەستە ۇستاعان ءجون. ال ول ءبىزدىڭ ءجۇرىس-تۇرىسىمىز بەن كارانتين شارالارىن ساقتاۋداعى جاۋاپكەرشىلىگىمىزگە بايلانىستى. سوندىقتان، قالا تۇرعىندارىن جاڭا جىلدى تۋىستارىمەن بىرگە كىشىگىرىم ورتادا عانا قاۋىپسىز اتاپ وتۋگە شاقىرامىز»، دەپ ەسكەرتەدى سانيتارلىق-ەپيدەميولوگيالىق باقىلاۋ كوميتەتى.



 

سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار