ءبىرىنشى ماسەلە – «اشىق ۇكىمەت» پورتالدارىن جانە مەملەكەتتىك ورگانداردىڭ رەسمي سايتتارىن بىرىكتىرەتىن مەملەكەتتىك ورگانداردىڭ ينتەرنەت-رەسۋرستارىنىڭ بىرىڭعاي پلاتفورماسىن دامىتۋ جونىندەگى كوميسسيانىڭ ۇسىنىمدارىن ىسكە اسىرۋ.
تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ ءوز بايانداماسىندا «اشىق ۇكىمەت» پورتالدارىنىڭ رەديزاينىنا جانە 15 قاراشادان باستاپ قازاقستان تۋرالى ءتۇرلى اقپاراتتاردى, ازاماتتارعا قولعابىس بولاتىن ومىرلىك جاعدايلاردى جانە ت.ب. قامتيتىن مو يربپ باستاپقى بەتىنىڭ ىسكە قوسىلۋىنا نازار اۋداردى.
ءوز كەزەگىندە مينيستر ايدا بالاەۆا مو يربپ جانە «اشىق ۇكىمەت» پورتالدارىن حالىق اراسىندا تانىمال ەتۋ قاجەتتىگىن اتاپ ءوتتى.
«مۇنداي رەسۋرستاردىڭ بار ەكەنىن حالىققا كەڭىنەن حابارلاۋ ماڭىزدى. بۇقارالىق اقپارات قۇرالدارى مەن ۇەۇ-دى تارتا وتىرىپ, بۇل اقپاراتتىق رەسۋرستى ناسيحاتتاۋ بويىنشا بىرلەسكەن جۇمىس جۇرگىزۋدى جانە كەلەسى جىلدىڭ باسىندا ءتيىستى ءىس-شارانى جوسپارلاۋدى ۇسىنامىن», دەپ اتاپ ءوتتى ا.بالاەۆا.
كەلەسى: اقپاراتتىڭ اشىقتىعى مەن قولجەتىمدىلىگىن ارتتىرۋ جونىندەگى ءىس-شارالاردى كوزدەيتىن مەملەكەتتىك اپپاراتتىڭ بيۋروكراتيزمىن تومەندەتۋ جونىندەگى جول كارتاسىن ورىنداۋ ماسەلەسى قارالدى.
مەملەكەت جانە قوعام كوممۋنيكاتسيالارىن دامىتۋ دەپارتامەنتىنىڭ ديرەكتورى بەكزات راحيموۆ مەملەكەتتىك ورگانداردىڭ اشىق دەرەكتەرمەن, رەسمي سايتپەن جانە باسقا دا اقپاراتتىق رەسۋرستارمەن جۇمىس ىستەۋ كەزىندەگى كەمشىلىكتەر تۋرالى باياندادى.
سونداي-اق اقپاراتتىڭ وزەكتىلىگى مەن اقپاراتتى تولتىرۋ كورسەتكىشتەرى بۇگىندە 100%-دان از (تومەن) مەملەكەتتىك ورگاندار تىڭدالدى.
«كوميسسيا مونيتورينگ جانە باقىلاۋ ماسەلەلەرىندە ءپرينتسيپشىل بولۋى ءتيىس. كەلەسى جىلى كوميسسيا الاڭىندا مەملەكەتتىك ورگانداردى نۇر-سۇلتان, الماتى جانە شىمكەنت قالالارىنىڭ اكىمدىكتەرىنەن باستاپ جۇرگىزىلىپ جاتقان جۇمىستار تۋرالى جەكە تىڭداۋ قاجەت», دەپ اتاپ ءوتتى مينيستر ا.بالاەۆا.
بۇدان باسقا, مينيستر مەملەكەتتىك ورگاندارمەن بىرلەسىپ, اشىق دەرەكتەردىڭ حالىق اراسىندا سۇرانىسقا يە جانە تانىمال بولۋى تۇرعىسىنان بىرىڭعاي تىزبەنى (پەرەچەن) پىسىقتاۋدى ۇسىندى.
وتىرىس سوڭىندا كوميسسيانىڭ 2022 جىلعا ارنالعان جۇمىس جوسپارىنىڭ جوباسى قارالدى.
مينيستر اي سايىنعى نەگىزدە, اقپاراتتىق اشىقتىقتىڭ تومەن كورسەتكىشتەرى بار مەملەكەتتىك ورگانداردى تۇراقتى تىڭداي وتىرىپ, كوميسسيا وتىرىستارىن وتكىزۋدى ۇسىندى.
وتكەن وتىرىس اعىمداعى جىلى اياقتالدى. جىل قورىتىندىسىن شىعارا وتىرىپ, كوميسسيا جۇمىسىنىڭ مىناداي ناتيجەلەرىنە نازار اۋدارعان ءجون.
كوميسسيانىڭ ۇسىنىمدارى بويىنشا, اقپاراتتى پايدالانۋشىلارعا ىڭعايلى بولۋ ماقساتىندا مەملەكەتتىك ورگانداردىڭ 1000-نان استام سايتتارى ءبىر پلاتفورمادا - مو يربپ-عا بىرىكتىرىلدى (www.gov.kz ).
«اشىق ۇكىمەت» پورتالدارىنىڭ فۋنكتسيونالى ايتارلىقتاي جاقساردى (www.open.egov.kz ) جانە ولاردىڭ جۇمىسىن تۇراقتاندىرۋ بويىنشا ناقتى شارالار قابىلداندى. سايتتىڭ ناشار كورەتىندەرگە ارنالعان نۇسقاسى پىسىقتالىپ, پورتالداردىڭ كەيبىر اقپاراتتىق جۇيەلەرمەن («اشىق بيۋدجەتتەر» پورتالى «ە-قارجىمينى» جانە «مەملەكەتتىك جوسپارلاۋ» اقپاراتتىق جۇيەلەرىمەن, «ە-زاڭناما» مەن «اشىق نقا» پورتالدارىنىڭ) بىرىگۋ پروتسەسى اياقتالۋدا.
جىل بويى كوميسسيا «اقپاراتقا قول جەتكىزۋ تۋرالى» زاڭ تالاپتارىنىڭ ورىندالۋىنا تۇراقتى مونيتورينگ جۇرگىزدى. سونىڭ ارقاسىندا مەملەكەتتىك ورگانداردىڭ كوپشىلىگى مو يربپ مەن «اشىق دەرەكتەر» پورتالىن مەملەكەتتىك جانە ورىس تىلدەرىندەگى اقپاراتپەن 100% تولىقتىرۋدى قامتاماسىز ەتتى.
كوميسسيانىڭ تىكەلەي قاتىسۋىمەن بيىل العاش رەت مەملەكەت باسشىسىنا اقپاراتقا قول جەتكىزۋ سالاسىنىڭ جاي-كۇيى تۋرالى جىلدىق ەسەپ دايىندالدى.
