شام جارىعىنداعى كەزدەسۋ

بۇل ۇيىم ادەبيەتتىڭ ءتۇرلى جانرىندا شىعارما جازاتىن جاس قالامگەرلەردىڭ تۋىندىلارىن تانىستىرىپ، جاس اۆتورلارعا جان-جاقتى قولداۋ جاساۋ ماقساتىندا ىرگەسى قالانىپ، جەتەكشىسى بەلگىلەندى. ورتالىقتىڭ توراعاسى بولىپ اقىن، قازاقستان جازۋشىلار وداعىنىڭ مۇشەسى سۇندەت سەيىتوۆ سايلاندى.

بيىل وسى ورتالىققا بەس جىل تولدى. وسىنى نەگىز ەتە وتىرىپ، ورتالىق مۇشەلەرى پوەزيا كەشىن ۇيىمداستىردى. اتالعان شىعارماشىلىق كەشتىڭ ءمانى مەن ءناشى بولەك بولعانىن كەشكە قا­تىسقان جۇرت ايتىپ جاتىر. اتاۋلى كەش Şam ادەبي شىعارماشىلىق ور­تالىعىنىڭ 5 جىلدىق مەرەيتويى اياسىندا «شام جارىعىنداعى كەزدەسۋ» دەگەن اتپەن ءوتتى. كەشتە شىعارماشىلىق ور­تالىقتىڭ مۇشەلەرى ولەڭ وقىپ، پوەتيكالىق جەكپە-جەككە شىقتى. كەشتە «شاح-مات» كىتابىنىڭ تۇساۋى كەسىلدى.

Şam ادەبي ۇجىمى كوپتەگەن جە­تىس­تىك­كە جەتتى. ونىڭ ىشىندە، جەتى اقىن-جازۋشى قازاقستان جازۋشىلار ود­اعىنىڭ مۇشەسى اتانسا، بەس اقىن «جىل­دىڭ ۇزدىك اقىنى» ءھام بەس جازۋشى «جىل­دىڭ ۇزدىك جازۋشىسى»، ءبىر اقىن، ياعني باتىرحان سار­سەنحان «دارىن» مەملەكەتتىك جاستار سىي­لىعىنىڭ لاۋرەاتى، بۇ­دان بولەك ءتورت اقىن رەسپۋبليكالىق ادە­بي سىي­لىق­تاردىڭ لاۋرەاتتارى اتاندى.